Pynappel

Die pynappel (Ananas comosus) is 'n tropiese plant met sappige, eetbare, saamgestelde vrugte^[1] en ekonomies die belangrikste plant in die Bromeliaceae familie.^[2]

Pynappel
Pynappels aan die plant
Wetenskaplike klassifikasie
Koninkryk:	Plantae
Divisie:	Angiosperms
Klas:	Monocots
(geen rang):	Commelinids
Orde:	Poales
Familie:	Bromeliaceae
Subfamilie:	Bromelioideae
Genus:	Ananas
Spesie:	A. comosus
Binomiale naam
Ananas comosus (L.) Merr.
Sinonieme
Ananas sativus

Pynappels word gekweek van 'n kroonsnysel van die vrug,^[3] wat gewoonlik blom in 20–24 maande en dan vrugte vorm binne die volgende ses maande.^[3] Die vrugte word nie juis ryper ná dit ge-oes is nie.^[4]

Pynappels word vars geëet, gekook, versap en ingelê; dit is 'n bestanddeel van 'n verskeidenheid geregte. Benewens verbruik as voedsel, word die pynappelblare (pynappelvesel) in die Filippyne gebruik om tekstielvesel te lewer, wat in muurpapier en ander behangsels gevind word.^[5] Dit kan ook 'n huisplant wees.

Bemarking

• 
  Pynappels op 'n vrugtestalletjie in Cagayan de Oro, Filippyne.
• 
  "Queen Formosa", een van die Filippyne se soetste pynappels.^[6]
• 
  Pynappels voorberei vir verkoop in Haikou, Hainan, China.
• 
  Soet Formosa-stukkies.