Santorini-kaldera

Die Santorini-kaldera is 'n groot kaldera in die Egeïese See, 120 km noord van Kreta, Griekeland, wat meestal onder water bedek is. Die deel wat bo die water sigbaar is, is die ronde Santorini-eilandgroep, wat bestaan uit Santorini (klassieke Griekse Tera), die hoofeiland, Terasia en Aspronisi aan die rand en die Kameni-eilande in die middel. Dit is aangewys as 'n Dekadevulkaan.

Santorinikaldera
Die Santorini-eilandgroep uit die ruimte.
Ligging	Egeïese See, Griekeland
Hoogte	1 486 meter bo seevlak
Koördinate	36°23′44″N 25°27′33″O
Bergtipe	Kaldera (katief)
Laaste uitbarsting	Januarie tot Februarie 1950

Geografie

Lugfoto van die Santorini-kaldera

Daar is twee klein, onbewoonde vulkaniese eilande in die middel van die kaldera, "Nuwe" en "Ou" Kameni.

Die hoofeiland, Santorini, het 'n oppervlakte van 75,8 km². Therasia se oppervlakte is 9,3 km² en Nuwe en Ou Kameni s'n onderskeidelik 3,4 km² en 0,5 km². Aspronisi het 'n oppervlakte van 0,1 km².

Die buitengewone skoonheid van Santorini se hoë mure en wit gekalkte dorpies, saam met die sonnige klimaat en perfekte uitsig, trek vulkanoloë soos 'n magneet.^[1]

Dit is ook 'n hoogtepunt van toerisme in die Egeïese gebied.