Seester

Seesterre (Asteroidea) is 'n klas ongewerweldes wat hoort tot die filum Echinodermata of stekelhuidiges. Hulle kom slegs in die mariene omgewing voor; van vlak tot diep water. Aan die onderkant is 'n ronde skyf waarin die bek voorkom en daar is gewoonlik arms wat in groepe van vyf van die skyf uitgroei. Party spesies kan tot 40 arms hê. Sommige spesies lyk meer soos 'n pentagoon en die arms is nie duidelik nie. Onderaan elke arm is strekbare buise wat buispote genoem word. By baie eindig die buispote in klein suiertjies.

Seester Tydperk: Ordovisium tot Onlangs
Fromia monilis
Wetenskaplike klassifikasie
Koninkryk:	Animalia
Filum:	Echinodermata
Subfilum:	Asterozoa
Klas:	Asteroidea De Blainville, 1830
Onderverdeling en ordes
Infraklas Concentricycloidea Peripodida Superorde Forcipulatacea Brisingida Forcipulatida Superorde Spinulosacea Spinulosida Superorde Valvatacea Notomyotida Paxillosida Valvatida Velatida[1] † Calliasterellidae † Trichasteropsida[2]

Die diertjie het nie 'n brein nie maar selle in die vel neem die omgewing waar en stuur seine deur 'n netwerk van senuwees wat tot 'n reaksie lei van die seester.

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3