Wêreldbank

Die Wêreldbank (Engels: World Bank) is die wêreld se grootste instelling vir ontwikkelingsamewerking en is op 27 Desember 1945 gestig. Die instelling verskaf lenings aan ontwikkelende lande en middelinkomste-lande, met die bestryding van armoede as sy hoofdoel. Hierdie internasionale bank is tegnies gesproke 'n gespesialiseerde organisasie van die Verenigde Nasies. Die finansiële steun wat deur die Wêreldbank verleen word, word vir verskeie doeleindes aangewend, van strukturele hervormings van 'n land se gesondheids- en onderwyssektor, tot omgewings- en infrastruktuurprobleme soos by damme, paaie en nasionale parke. Die bank stel egter streng eise aan sy kliënte: sogenaamde "strukturele aanpassings" word vereis, soos antikorrupsiemaatreëls en privatisering van regeringsdienste.

Kenteken van die Wêreldbank

Hoofkwartier van die Wêreldbank in Washington, D.C., Verenigde State

Wêreldbank-president Ajay Banga

Presidente

Tot dusver was al die presidente van 'n Amerikaanse afkoms.^[1]

• Ajay Banga (sedert 2 Junie 2023)
• David Malpass (9 April 2019 – 2 Junie 2023)
• Jim Yong Kim (1 Julie 2012 – 9 April 2019)
• Robert B. Zoellick (1 Julie 2007 – 1 Julie 2012)
• Paul Wolfowitz (1 Junie 2005 – 1 Julie 2007)
• James D. Wolfensohn (1 Junie 1995 – 1 Junie 2005)
• Richard Frank (4 Mei 1995 – 1 Junie 1995)
• Lewis T. Preston (1 September 1991 – 4 Mei 1995)
• Barber B. Conable, Jr. (1 Julie 1986 – 1 September 1991)
• A.W. Clausen (1 Julie 1981 – 1 Julie 1986)
• Robert S. McNamara (1 April 1968 – 1 Julie 1981)
• George Woods (1 Januarie 1963 – 1 April 1968)
• Eugene R. Black (1 Julie 1949 – 1 Januarie 1963)
• John J. McCloy (17 Maart 1947 – 1 Julie 1949)
• Eugene Meyer (18 Junie 1946 – 17 Maart 1947)