Woudfries

Woudfries (Wes-Fries: Wâldfrysk) is ’n streektaal van Wes-Fries wat aan die oostelike gedeelte van die Nederlandse Friesland-provinsie gepraat word, wat bekend staan as Wâlden (Afrikaans: "woude"). Die dialek word ook gepraat in gedeeltes van Groningen, die provinsie aan die ooste van Friesland.

Woudfries Wâldfrysk
Gepraat in:	Nederland
Gebied:	Friesland Groningen
Totale sprekers:	157 000
Taalfamilie:	Indo-Europees  Germaans   Wes-Germaans    Anglo-Fries     Fries      Wes-Fries       Woudfries
Skrifstelsel:	Latynse alfabet
Taalkodes
ISO 639-1:	geen
ISO 639-2:
ISO 639-3:	—

Vergelyking met Kleifries

Klankverskil

Die grootste verskil tussen Woudfries en die noordwestelike streekstaal, Kleifries, is die woorde my ("ek"), dy ("jy"), hy ("hy"), sy ("sy" of "hulle"), wy ("ons"), en by ("by"), wat in Woudfries as mi, di, hi, si, wi en bi uitgespreek word en in Kleifries mij, dij, hij, sij, wij, en bij. Ander skille sluit die uitspraak van die diftonge ei, ai, en aai in wat as ij, ai en aai in Woudfries gebesig word, maar as ôi, òi, en ôi in Kleifries uitgespreek word. Daar is dus in Woudfries geen verskil tussen ei en ij nie, terwyl daar in Kleifries geen verskil in uitspraak is tussen ei en aai nie.

Ander fonetiese verskille sluit in:

Afrikaans	Nederlands	Woudfries	Kleifries
jy	jij	dû	do
pruim	pruim	prûm	prom
duim	duim	tûme	tomme
naak	naakt	nêken	neaken
kraak	kraken	krêkje	kreakje
week (sag)	week	wêk	weak
gras	gras	gjers	gers
kersie	kers	kjers	kers
kalf	kalf	kjel	kel

Woordverskille

Sommige leksikale verskille tussen Woudfries en Kleifries sluit onder meer in:

Afrikaans	Woudfries	Kleifries
Saterdag	saterdei	sneon
mier	mychammel mychhimmel	eamel eamelder
vlies (skaapvag)	flij	flues
sog	mot	sûch