![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/%25C3%2589mile_Zola_Nadar.jpg/640px-%25C3%2589mile_Zola_Nadar.jpg&w=640&q=50)
Émile Zola
From Wikipedia, the free encyclopedia
Dr Émile Édouard Charles Antoine Zola[1] (* 2. April 1840 z Bariis; † 29. Septämber 1902 z Bariis) isch e franzöösische Schriftsteller und Schurnalist gsi.
![Thumb image](http://upload.wikimedia.org/wikipedia/commons/thumb/1/18/%C3%89mile_Zola_Nadar.jpg/640px-%C3%89mile_Zola_Nadar.jpg)
Dr Zola giltet as äine vo de groosse franzöösische Romanciers vom 19. Joorhundert und as Läitfigur und Begründer vo dr gsamtöiropäische literarische Ströömig vom Naturalismus. Gliichzitig isch er e seer aktiver Schurnalist gsi, wo von ere gmäässigt lingge Posizion us am politische Lääbe däilgnoo het.
Si Ardikel J’accuse …! («Ich chlagen aa …!») het e Schlüsselrolle in dr Dreyfus-Affäre gspiilt, wo Frankriich joorelang beschäfdigt het, und het entschäidend zur spöötere Rehabilitierig vom Offizier Alfred Dreyfus biidräit, wo fälschlig wäge Landesverroot verurdäilt worde isch.