![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Queen_Anne.jpg/640px-Queen_Anne.jpg&w=640&q=50)
Köönigin Anne vo Groossbritannie
From Wikipedia, the free encyclopedia
D Anne Stuart (* 6. Februarjul./16. Februargreg. 1665 im St. James’s Palace z London; † 1. Augustjul./12. Augustgreg. 1714 im Kensington Palace, London) isch vo 1702 bis 1707 Köönigin vo Ängland und Schottland gsi und vo 1702 bis 1714 au Köönigin vo Irland. Am 1. Mai 1707 isch d Anne die ersti Herrscherin über Groossbritannie worde, wo Ängland und Schottland mit em Act of Union sich zu äim Köönigriich veräinigt häi. D Anne isch die letschti britischi Köönigin us em Huus vo de Stuarts gsi. Dr Georg I., wo dank em Act of Settlement iire Noochfolger uf em Droon het chönne wärde, het zum Huus Braunschweig-Lüneburg ghöört.
![Thumb image](http://upload.wikimedia.org/wikipedia/commons/thumb/5/53/Queen_Anne.jpg/320px-Queen_Anne.jpg)
D Anne het sich kuum um d Regierigsgschäft kümmeret. Wääred iirer Herschaft het sich s britische Kabinettssüsteem afo entwiggle. Im Spanische Erbfolgchrieg isch Groossbritannie Mitgliid in dr antifranzöösische Haager Groosse Allianz gsi. Ängland het e wirtschaftligi und kulturelli Blüetzit erläbt. Mit em Sonderfriide vo Utrecht het Groossbritannie 1713 d Haager Allianz verloo, und aagfange sich uf en Usbau vom britische Empire afo konzentriere.