Burg Staufen (Schwarzwald)

D Burg Staufe lyt in ere exponierte Lag uf eme Biel in Ortslag - s'Staufemer Bergli - im Norde vu dr Stadt Staufe im Bryysgau im Landchreis Bryysgau-Hochschwarzwald z Bade-Wirttebärg.

Burg Staufe
Ruine vu dr Burg Staufe im Bryysgau Ruine vu dr Burg Staufe im Bryysgau
Entstehigsziit:	1100 bis 1200
Burgetyp:	Higelburg
Erhaltigszuestand:	Muurräscht
Ständischi Stellig:	Adligi
Ort:	Staufe im Bryysgau
Geografischi Lag:	47° 53′ 10,2″ N, 7° 43′ 53,9″ O47.8861666666677.7316388888889376
Höchi:	376 m
Burg Staufen (Baden-Württemberg) Burg Staufen

Gschicht

Fund un Uusgrabige wyyse druf aane, ass scho in dr Remerzyt uf em Biel an dr Stell vu dr hitige Burgruine ne Wachdurm gstanden isch.

Die Burg stammt wahrschyns us em frieje 12. Johrhundert un isch vu dr Herre vu Staufe ufböue loo wore. Dr Adalbert vu Staufe het um 1100 s Burghaus ufrichte loo. In ere Urkund vu anne 1248 wird d Burg Staufe s erscht Mol gnännt.

Gäldmangel un erfolglosi Fehde vu dr Herre vu Staufe geg di noch Stadt Fryybeg hän im 14. Johrhundert derzue gfiert, ass Fryybeg yyfluss iberchuu het uf dr Burg Staufe. In dr Johre 1327 un 1337 het d Stadt Aadeil an dr Burg chenne ufchaufe un e sognännt Effnigsrächt chenne dursetze. Dodermit isch s ibrige Burgbsitzer verbotte gsi, vu dr Burg uus ebis gege d Stadt Fryybeg z unterneh. Si hän au Aktione vu dr Stadt miesse unterstitze un d Burg het alliwyl miesse ufstoh fir ihri Truppe.

Mit em Georg Leo vu Staufe isch 1602 s Gschlächt vu dr Herre vu Staufe uusgstorbe. Syter anne 1607 isch d Burg nimmi bewohnt gsi.

D Burg Staufe, wu nimi verdeitigt woren isch, isch im Dryssgjehrige Chrieg vu schwedische Truppe bsetzt wore un anne 1632 vun ene niderbrännt un gschlisse wore.

Im Johr 1896 het d Stadt Staufe d Ruine ufgchauft un si renoviere loo. 1954 un 1960 isch si nonemo renoviert wore. Hite sin vu dr Burg no d Umfassigsmuure erhalte.

• 
  Blick iber d Räbbärg uf d Burgruine
• 
  Blick uf d Ussemuure

Literatur

• Friedrich-Wilhelm Krahe: Burgen des deutschen Mittelalters. Grundriss-Lexikon. Würzburg 1998
• Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Stuttgart 1965

Weblink

 Commons: Burg Staufen – Sammlig vo Multimediadateie

• Burg Staufe uf burgeninventar.de
• Burg Staufe uf burgenwelt.de

Dä Artikel basiert uff ere fräie Übersetzig vu dere Version vum Artikel „Burg_Staufen_(Schwarzwald)“ vu de dütsche Wikipedia. E Liste vu de Autore un Versione isch do z finde.