From Wikipedia, the free encyclopedia
Däischbere (amtlich Densbüren) isch e Gmeind im Bezirk Aarau vom Schwiizer Kanton Aargau. S Dorf ligt ennet de Schtaffelegg und gehört geographisch zum Fricktal.
Däischbere | |
---|---|
Basisdate | |
Staat: | Schwiiz |
Kanton: | Aargau (AG) |
Bezirk: | Aarau |
BFS-Nr.: | 4004 |
Poschtleitzahl: | 5026 |
UN/LOCODE: | CH DBU |
Koordinate: | 646376 / 256267 |
Höchi: | 481 m ü. M. |
Flächi: | 12.52 km² |
Iiwohner: | 743 (31. Dezämber 2022)[1] |
Website: | www.densbueren.ch |
Charte | |
De Gmeindsbann isch 1252 Hektare gross, dodervo sind 688 Hektare Wald und 60 Hektare überbaut. De höchschti Punkt isch uf 867 Meter, der tüüfschti uf 430. Nochbargmeinde sind Herznach im Norde, Zeihe im Nordoschte, Tale im Oschte, Chüttige im Süde und im Weschte Oberhof und Wölfliswil.
Däischbere isch zum erschte Mol in ere Urkund us em Johr 1426 in de Namensform Teinspuiren erwähnt worde. Uf de Burg Urgiz sind scho im 1277 d Herre vo Urgiz gnennt, wo Däischbere und Asp vom Bistum Strassburg übercho hei. Schwer troffe worde isch di Herrschaft Urgiz vom Basler Erdbäbe im 1356i, wo schweri Schäde aagrichtet het. D Burg isch wäge dem meh und meh verfalle. Im Johr 1429i hei d Effinger d Herrschaft übernoh, im 1444 d Rätz vo Säckinge und im 1475 d Hasfurter vo Lozärn. Im 1502 isch d Herrschaft über Däischbere an Bärn cho, wo sich dodermit de Übergang über d Staffelegg gsicheret hei. Wi überal z Bärn isch au z Däischbere im 1528i d Reformation iigführt worde. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Däischbere ghört sither zum Kanton Aargau.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.