Doppler-Effekt
From Wikipedia, the free encyclopedia
Dr Doppler-Effekt (sälte dr Doppler-Fizeau-Effekt) isch wenn sich e Signal zitlig stuucht oder deent wääred dr Abstand zwüschen em Sänder und em Empfänger sich veränderet. D Ursach drfür isch dass sich d Laufzit änderet. Dä räin kinematischi Effekt drättet bi alle Signal uf, wo sich mit ere bestimmte Gschwindigkäit usbräite, bi elektromagnetische Wälle wie s Liecht isch s d Liechtgschwindikäit und bi Döön d Schallgschwindikäit.[1] Wenn sich s Signal im ene Medium usbräitet wie zum Bischbil dr Schall in dr Luft, so muess mä dr Bewegigszuestand vo däm Medium berücksichtige.
![Thumb image](http://upload.wikimedia.org/wikipedia/commons/thumb/7/7f/Doppler_effect_diagrammatic.svg/640px-Doppler_effect_diagrammatic.svg.png)
![Thumb image](http://upload.wikimedia.org/wikipedia/commons/thumb/9/90/Dopplerfrequenz.gif/320px-Dopplerfrequenz.gif)
Bi periodische Signal wird d Frekwänz wo beobachdet wird, hööcher oder niidriger. Wenn zum Bischbil en Ambulanz verbiifaart bedrifft das nid nume d Doonhööchi („iiiiuuuu“) sondern au d Wäggselfrekwänz vo dr Sirene. Wenn d Gschwindigkäit im Verheltnis zur Usbräitigsgschwindigkäit chlii isch, git daas Verheltnis au die relativi Frekwänzänderig aa. Bim ene reflektierte Signal, wie bim Radar-Doppler und Ultraschall-Doppler, verdobblet sich mit dr Laufzit au d Doppler-Verschiebig
.