Eidgenössischi Volksiniziativä «gägä d Abzockerei»
From Wikipedia, the free encyclopedia
Di Eidgenössischi Volksiniziativä «gägä d Abzockerei» (au «Abzocker-Iniziativä» oder «Minder-Iniziativä» gnännt) isch än eidgenössischi Volksiniziativä, wo 2005 vom Thomas Minder lanciert wordän isch. Dr Minder isch en Unternähmer us em Kanton Schaffhuusä, wo sit 2011 au Ständerat isch. D Iniziative isch ä Reaktion uf Vergüätigä vo äinzälnä Manager in grossä Schwyzär Untärnämä und Bankä gsy, wo mä als exorbitant empfundä hät. Us dä Sicht vo dä Iniziantä händ diä glychzitig di wältwyti Finanzkrisä ab 2007 mitverursacht und s wältwyti Finanzsischtem in Gfaar bracht. D Iniziativä isch am 3. März 2013 zur Abschtimmig choo und tüütlich aagnoo wordä.