![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Bundesarchiv_Bild_183-88358-0001%252C_Berlin-Baumschulenweg%252C_Friedhof%252C_Totensonntag.jpg/640px-Bundesarchiv_Bild_183-88358-0001%252C_Berlin-Baumschulenweg%252C_Friedhof%252C_Totensonntag.jpg&w=640&q=50)
Dootesunntig
From Wikipedia, the free encyclopedia
Dr Dootesunntag (lithurgisch Ewigkeitssonntag/Totensonntag) isch in dr evangelische Chilche z Dytschland un in dr Schwyz e Gedänkdag fir di Verstorbene. Är isch dr letscht Sunntig vor em erschte Adväntssunntig un dodermit dr letscht Sunntig vum Chilchejohr. Är lyt zwisch em 20. un em 26. Novämber.
![Thumb image](http://upload.wikimedia.org/wikipedia/commons/thumb/5/5e/Bundesarchiv_Bild_183-88358-0001%2C_Berlin-Baumschulenweg%2C_Friedhof%2C_Totensonntag.jpg/640px-Bundesarchiv_Bild_183-88358-0001%2C_Berlin-Baumschulenweg%2C_Friedhof%2C_Totensonntag.jpg)
![Thumb image](http://upload.wikimedia.org/wikipedia/commons/thumb/9/91/Uetersen_Rasenurnenfeld_01.jpg/640px-Uetersen_Rasenurnenfeld_01.jpg)
Syt dr Entwicklig vum Chilchejohr im Mittelalter sin mit dr letschte Sunntig vum Chilchejohr liturgischi Lääsige zue dr „Letschte Ding“ verbunde. Derwylscht am drittletschte Sunntig s Thema „Dood“ im Mittelpunkt stoht, het dr vorletschte Sunntig d Thematik „Jingschts Griicht“ un dr letscht „s Eebig Lääbe“.
Dradizionäll thematisiert dr letscht Sunntig im Chilchejohr in bsunderer Wyys d Erwartig vum Jingschte Daag. Doderzue ghert as Sunntigsevangelium s „Glychnis vo de zäh Meitschi“ (Matthäus 25). S bildet d Grundlag fir s Wuchelied, dr Choral vum Philipp Nicolai Wachet auf, ruft uns die Stimme (EG 147) un d Bachkantate mit glychem Name (BWV 140).