Flussfünd us de Tuur im Toggeborg
From Wikipedia, the free encyclopedia
Bi de Flussfünd us de Tuur handlets sich um Fundobjekt us Metall, wo i de Joore 1997 und 1998 vo Goldwäscher a zwoo Stele i de Tuur im Toggeborg borge woore sind, nämmli bi Schwaarzebach und Underbazed. Die Fünd sind för d Sidligsgschicht vom Toggeborg wichtig und zaiget, ass scho i de Bronzezitt Mentsche is Toggeborg choo sind. Witter chamer us de Fünd schlüüsse, as oberhalb vo de Fundstele - wo waiss mer nööd - im 1. Joorhundert v.Chr. Sidlig gsii si mue und o as i de Röömmerzitt do Mentsche underwegs gsi sind.