From Wikipedia, the free encyclopedia
Ìm Frànkrìch hàt's àm 22. Àwril 2012 un àm 6. Mai 2012 Wàhla fer dr Präsidant gaa, wo 5 Johr làng s Lànd regiart. As sìn d 10. Wàhla vu dr 5. Republik ìm Frànkrìch gsìì.
Dialäkt: Mìlhüüserisch |
Wia's gsetzlig vorgsah ìsch, müeß jeder Kàndidàt mìndschens 500 Unterschrìfta vu Gwählta sàmmla, fer känna mìtmàcha. D Dàtum fer dia Unterschrìfta zammabrìnga ìsch dr 16. März 2012 gsìì.
Àm 19. März 2012 hàt dr „Conseil Constitutionnel“ d Lischta vu da Kàndidàta feschtgstellt.[1]
D Eva Joly (* 5. Dezamber 1943 z'Oslo, ìn Norwega) ìsch d Kàndidàta vu da „Griana“. Àls Berüef, ìsch sa Rìchter gsìì. Sa ìsch under àndra Mìtglìeder vu dr Pàrtei - zum Beispiel dr Nicolas Hulot - gschwàsiart worra fer d Kàndidàta sìì.
D Marine Le Pen (* 5. Àuigscht 1968 z'Neuilly-sur-Seine), Tochter vum Politiker Jean-Marie Le Pen, ìsch d Kàndidàta vum Rachtsextrema. Àls Berüef, ìsch sa Àdvokàt.
Dr Nicolas Sarkozy (* 28. Janner 1955 z'Pàris) ìsch dr Kàndidàt vu dr UMP (Rachts). Ar ìsch dr frànzeescha Präsidant vu 2007 bis 2012. Àls Berüef, ìsch'r Àdvokàt.
Dr Jean-Luc Mélenchon (19. Àuigscht 1951 z'Tanger, ìm Màrokko) ìsch dr Kàndidàt vum „Front de Gauche“ (Lìnksextrem). Ar hàt scho verschìedena Berüefa ghàà, meischtens àls Ààgstellter ìn dr Politik.
Dr Philippe Poutou (14. März 1967 z'Villemomble) ìsch dr Kàndidàt vum NPA (Lìnksextrem). Ar ìsch Àrweiter ìn dr First-Ford Fàwrìk vu Blanquefort un Veràntwortlig ìm Syndicat CGT.
D Nathalie Arthaud (* 23. Hornung 1970 z'Peyrins) ìsch d Kàndidàta vu dr „Lutte ouvrière“ Pàrtei (Lìnksextrem). Sa ìsch Wìrtschàftslehrera (Ökonomie un Management).
Dr Jacques Cheminade (* 20. Àuigscht 1941 z'Buenos Aires, ìn Argentinia) ìsch dr Kàndidàt vu dr Pàrtei „Solidarité et Progrès“, wo-n-'r ànna 1996 grìnda hàt. Àls Berüef ìsch'r Schrìftsteller.
Dr François Bayrou (* 25. Mai 1951 z'Bordères) ìsch dr Kàndidàt vum MoDem (d Zentrum-Pàrtei), wo-n-'r ànna 2007 grìnda hàt. Àls Berüef ìsch'r scho Lehrer gsìì, un düet aui Rennrässer ufziah.
Dr Nicolas Dupont-Aignan (* 7. März 1961 z'Pàris) ìsch dr Kàndidàt vu dr Pàrtei „Debout la République“ (Rachts, zìmlig ràdikàl).
Dr François Hollande (* 12. Àuigscht 1954 z'Rouen) ìsch dr Kàndidàt vum PS (Lìnks). Ar ìsch under àndra Mìtglìeder vu dr Pàrtei - zum Beispiel d Martine Aubry - gschwàsiart worra fer dr Kàndidàt sìì.
Stìmma | % vu da Igschrìewena | |
---|---|---|
Igschrìewena Wähler | 46 037 545 | 100 % |
Wo gwählt han | 36 585 858 | 79,47 % |
Wo wiss gwählt han | 700 119 | 1,52 % |
Wo nìt gwählt han | 9 451 687 | 20,53 % |
Kàndidàt | Stìmma | % Stìmma | |
---|---|---|---|
François Hollande Parti socialiste |
10 273 582 | 28,63 % | |
Nicolas Sarkozy Union pour un mouvement populaire |
9 753 844 | 27,18 % | |
Marine Le Pen Front national |
6 421 773 | 17,90 % | |
Jean-Luc Mélenchon Front de gauche |
3 985 298 | 11,11 % | |
François Bayrou Mouvement démocrate |
3 275 349 | 9,13 % | |
Eva Joly Europe Ecologie Les Verts |
828 451 | 2,31 % | |
Nicolas Dupont-Aignan Debout la République |
644 086 | 1,79 % | |
Philippe Poutou Nouveau Parti anticapitaliste |
411 178 | 1,15 % | |
Nathalie Arthaud Lutte ouvrière |
202 562 | 0,56 % | |
Jacques Cheminade Solidarité et Progrès |
89 572 | 0,25 % |
Qualla: Ergebnissa vum erschta Tour uf em Offiziella Websitt vum Stààt.[2]
Zitter 1974 (üsser'm Fàll vu 2002) düen tràditionnell d zwei Kàndidàta vum zweita Tour àn'ra Debàtt teilnamma, wo àn dr Television zeigt wìrd. Dia Debàtt hett's àm 2. Mai 2012 ge uf TF1, France 2, BFM TV, iTélé un LCI.
Stìmma | % vu da Igschrìewena | |
---|---|---|
Igschrìewena Wähler | 46 073 165 | 100 % |
Wo gwählt han | 37 016 982 | 80,34 % |
Wo wiss gwählt han | 2 147 173 | 4,66 |
Wo nìt gwählt han | 9 056 183 | 19,66 |
Kàndidàt | Stìmma | % Stìmma | |
---|---|---|---|
François Hollande Parti socialiste |
18 000 438 | 51,62 % | |
Nicolas Sarkozy Union pour un mouvement populaire |
16 869 371 | 48,38 % |
Qualla: Ergebnissa vum zweita Tour uf em Offiziella Websitt vum Stààt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.