From Wikipedia, the free encyclopedia
De Garteröötel (Phoenicurus phoenicurus; alemanischi Näme) isch e Zugvogel, wo i Mitteleuropa brüetet. I de Alpe chan er bis 2400 müM vorchoo. Afangs Oktober flüüget d Garteröötel i di afrikanischi Sahelzoone. D Mandli cheeret im iigende Aprile zrugg und suechet gaigneti Bruethööline, wo denn echli spööter vom Wiibli uusgsuecht weret. Debii vertriibets au anderi Vögel, wo sich scho i guete Höölene iigrichtet hend.
Garteröötel | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Phoenicurus phoenicurus | ||||||||||||
(Linnaeus, 1758) |
Bim Garteröötel underschaidet sich d Mandli und d Wiibli starch vonenand. S Wiibli het e bruuni Obersiite und de helle Buuch miteme Rosastich, de langi Schwanz isch röötsch. S Mandli het e graue Rugge und bruuni Flögel. De Chopf und s Chüni sind schwarz, öber de Auge isch e wiisse Straiife, d Chappe isch grau. De Buuch und de Schwanz sind rostroot. Garteröötel wered 13 bis 15 cm grooss, hend e Spannwiiti vo 20 bis 24 cm und wöget 12 bis 20 Gramm.
De Garteröötel lebt i Wädli, Bommert, Pärk und Gärte i Sidligsnööchi. S Nest bauets us Grääs und polsterets mit Mies, Federe und Hoor. Mandli wo sich paart hend singet nume i de Morgedämmerig, di andere Mandli de ganzi Taag.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.