Genfer Auto-Salon

Dr International Auto-Salon Gämf (franzöösisch Internationaler Auto-Salon Genf; franzöösisch Salon international de l’auto de Genève; italienisch Salone internazionale dell’auto di Ginevra; rätoromanisch Salun internaziunal d’automobils a Genevra; änglisch Geneva International Motor Show, GIMS) isch aini vu dr wältwyt wichtigschte Automobil-Fachmässe, näbe dr IAA, em Pariser Autosalon, dr Tokyo Motor Show un dr Detroit Auto Show. Dr Auto-Salon findet all Johr aafangs Merz im Mässkumpläx Palexpo in dr bolitische Gmai Le Grand-Saconnex im Kanton Gämf (Schwyz) statt.

Logo

Gämfer Auto-Salon, 6. Merz 2008

Gämfer Auto-Salon, März 2006

Plakat fir dr Auto-Salon 1926 vum Jules Courvoisier

Gschicht

Anne 1905 het im schwyzerische Gämf in eme Wahllokal am Boulevard Georges-Favon di erscht National Automobil- un Fahrraduusstellig stattgfunde. Syterhär sin uf em Gämfer Auto-Salon e Huffe Fahrzyg vu namhafte Härsteller bresäntiert wore, wu zum Dail d Gschicht vum Automobil nei gschribe hän. Anne 1982 isch dr Gämfer Auto-Salon vum alte Palais des expositions in dr Innestadt zum neie Mässkumpläx Palexpo umzoge.

Wichtigi Bschränkige bim Böu vu dr Mäss drage syt dr Grindig zuen ere guete Ibersichtligkait vu dr Mäss by. Derwylscht in dr 1920er Johr nume Deppig un Grienbflanze fir d Gstaltig vun eme Mässstand zuegloo wore sin, wird hit zum Byschpel d Hechi vu dr Mässständ uf 140 cm yygränzt.

Bi dr 76. Uflag vum 2. bis zum 12. Merz 2006 hän 260 Uussteller us 30 Länder rund 900 Automodäll uf ere Flechi vu 102'000 m² bresäntiert. S sin 674'000 Bsuecher chuu, dervu fascht 5000 Medieverdrätter us 80 Länder.

Dr 77. Gämfer Auto-Salon het vum 8. bis zum 18. Merz 2007 stattgfunde mit ere Bsuecherzahl vu 730'000. Bim 78. Gämfer Auto-Salon vum 6. bis zum 16. Merz 2008 sin rund 715'000 Yydrittscharte verchauft wore.

Anne 2009 het d Automobilmäss (5. bis 15. Merz 2009) e Bsuecherrugggang uf 648'000 ghaa. D 80. Uusgab vum Auto-Salon het vum 4. bis zum 14. Merz 2010 692'000 Bsuecher chenne verzaichne.

Unterbrächige

• Anne 1907 isch d Uusstellig uf Züri vewrlait wore, wel s z Gämf e automobilfyndligi Stimmig ufchuu isch. Dertemol isch d Gfohr fir Fueßgänger dischpetiert wore.
• Vu 1908 bis 1922 het s kai nationali Autouusstellig in dr Schwyz stattgfunde.
• Vu 1940 bis 1945 het s wäg em Zweete Wältchrieg au kai Uusstellig stattgfunde, au nit im erschte Noochriegsjohr 1946.

Fahrzyygpremiere

Seriefahrzyyg

• Clément (1905)
• Fiat 502 (1924)
• Opel 4/12 PS «Laubfrosch» (1924)
• Martini-Six (1926)
• Fiat 509 (1927)
• Ford Modell A (1928)
• Mercedes-Benz SSK (1929)
• DS 8 (1931)
• Alfa Romeo 8C 2300 (1932)
• Chrysler Airflow (1934)
• Fiat 500 Topolino (1937)
• Opel Kapitän (1939)
• Jaguar XK 120 (1951)
• Fiat 600 (1955)
• Jaguar E-Type (1961)
• Mercedes-Benz 230 SL «Pagode» (1963)
• Ferrari Dino (1965 als Prototyp)
• Lamborghini Miura (1966)
• Peugeot 504 Coupé (1969)
• Citroën SM (1971)
• Maserati Bora (1971)
• Ford Granada (1972)
• Audi 80 (1973)
• Ford Capri (1973)
• Lamborghini Countach (1973)
• Filipinetti Fiat X1/9 (1973)
• VW Scirocco I (1973)
• Porsche 928 (1977)
• Toyota Starlet (1978)
• Audi quattro (1980)
• Lotus Esprit (1980)
• VW Scirocco II (1981)
• Bentley Mulsanne (1982)
• Audi 100 (1983)
• Ferrari 288 GTO (1984)
• Mercedes-Benz 500 SL (1989)
• Volvo 480 (1986)
• Ford Ka (1994)
• Ferrari F355 (1994)
• BMW 3er compact E46/5 (2001)
• VW Phaeton (2002)
• Lancia Ypsilon (2003)
• Seat Altea (2004)
• Citroën C6 (2005)
• Honda Civic (2005 als Prototyp)
• Lotus Europa S (2006)
• Porsche 911 GT3 (2006)
• Porsche 911 turbo (2006)
• Audi A5 (2007)
• Mercedes-Benz C-Klasse (2007)
• VW Golf V Variant (2007)
• VW Scirocco III (2008)
• Škoda Superb (2008)
• Škoda Yeti (2009)
• Mercedes-Benz E-Klasse Coupé (2009)
• Opel Ampera Hybrid (2009)
• Audi A1 (2010)
• Renault Mégane III Coupé-Cabriolet (2010)
• Porsche Cayenne II (2010)
• Škoda Fabia RS (2010)
• Mercedes-Benz C-Klasse Coupé (2011)
• Ferrari FF (2011)
• Mercedes-Benz A-Klasse (2012)
• Škoda Citigo (2012)
• Roding Roadster 23 (2012)
• Fiat 500L (2012)
• Ai-Liter-Auto vu VW (2013)
• Peugeot 2008 (2013)
• Mitsubishi Outlander PHEV (Plug In Hybrid Electric Vehicle)(2013)
• Alfa Romeo 4C (2013)

Konzäptfahrzyyg

• Mercedes-Benz F 800 Style (2010)
• Porsche 918 Spyder (2010)
• Škoda Vision D (2011)
• Rolls-Royce 102EX (2011)
• Lexus LF-LC (2012)
• Škoda VisionC (2014)

Weblink

 Commons: Gämfer Auto-Salon – Sammlig vo Multimediadateie

• Offiziälli Websyte vum Gämfer Auto-Salon
• Daten un Plakate vum Gämfer Salon vu 1905 bis hit uf www.pietro-frua.de
• Bricht vum Gämfer Autosalon uf autozeitung.de
• Bricht vum Gämfer Autosalon uf autobild.de

Dä Artikel basiert uff ere fräie Übersetzig vu dere Version vum Artikel „Genfer_Auto-Salon“ vu de dütsche Wikipedia. E Liste vu de Autore un Versione isch do z finde.