From Wikipedia, the free encyclopedia
Mit Gräzisierig meint mä s Übersetze vomene Usdruck oder Name in s Altgriechische. Das isch vor allem währed dr Epoche vom Humanismus beliebt gsi. D Humanischde hai hüfig dr Familiename uf Latiinisch (Latinisierig) odr of Griechisch übersetzt und si under däm Name bekannt worde, wie zum Bischbil dr Melanchthon, wo Schwarzerdt (agr. μέλας / mélas „schwarz“ + χϑών / chthón „Erde“) gheisse het.
Dr gschichtlig Hintergrund für die Erschiinig isch dr Undergang vom Byzantinische Riich im 15. Johrhundert. Vili Glehrti, wo Griechisch gschwätzt hai, si noch Italie und Weschdeuropa cho, und hai s Interässi vo de Lüt an de antike griechische Autore gweckt. So isch s Altgriechische die zweiti Glehrteschbrooch noch em Latiinische worde.
Vo Gräzisierig redet mä au wenn Nitgrieche in die griechischi Kultur und Schbrooch assimiliert wärde. Das isch im antike Griecheland, aber au im Byzantinische Riich hüfig bassiert, wenn Fremdi in s Land iibroche si. Au wo noch dr Gründig vom moderne griechische Schdaat 1829 die allgemeini Schuelpflicht iigfüehrt worden isch, si nitgriechischi Iiwohner assimiliert und gräzisiert worde.
Dä Artikel basiert uff ere fräie Übersetzig vum Artikel „Gräzisierung“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.