From Wikipedia, the free encyclopedia
Hindustani isch d Bezäichnig von ere nordindische Sprooch, wo sich us ere d Standardsprooche Hindi, Urdu und Fidschi-Hindustani entwigglet häi. S Wort hindustānī isch in dere Sprooch e Femininum und wird in Hindi हिंदुस्तानी gschriibe bzw. ہندوستانی in Urdu. D Bezäichnig stammt us em Persische und bedütet „Indisch“ (äigentlig: „das wo us em Indus-Land chunnt“).
Hindustani (हिंदुस्तानी, ہندوستانی) | ||
---|---|---|
Verbreitig: | Indien, Pakistan, Bangladesch, Fidschi und witeri Länder | |
Sprecher: | 541 Mio. (as Muetersprooch), 904 Mio. (im Ganze) | |
Linguistischi Klassifikation: |
| |
Offizieller Status | ||
Amtssprooch vo: | Fidschi (as Fidschi-Hindustani) Indie (as Hindi) Pakistan (as Urdu) |
Hindustani isch en indoarischi Sprooch und isch in wite Däil vom Norde und dr Middi vom indische Subkontinänt verstande worde. Hüte verstoot mä under Hindustani die mündligi Usgliichssprooch vo Nordindie (und Pakistan), wo in informelle Alldaagssituazione gebrüüchlig isch und andersch as Hindi und Urdu käni feste Reegle het, wo überregional verbindlig si. Dorum isch Hindustani kä Standardsprooch.
Hindi und Urdu si Warietääte vo dr gliiche Äinzelsprooch (Soziolekt). Ethno-politisch wird dr Sproochezwilling Hindi-Urdu as zwäi verschiideni Usbausprooche aagluegt. Dr Hauptunterschiid isch, ass underschidligi Alfabet verwändet wärde. Hindi wird in Devanagari gschriibe, Urdu in Perso-Arabisch.
Wääred sich dr Wortschatz vo dr Schriftsprooch underschäidet (z. B. Fachwörter und religiöösi Bezäichnige), isch d Grammatik die gliichi und d Usprooch eso äänlig, ass sich Sprächer im Alldaag ooni Broblem chönne verständige.
Dä Artikel basiert uff ere fräie Übersetzig vum Artikel „Hindustani“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.