De Hönir (an. Hœnir m.) isch e nordische Gott gsii und het zu de Götterfamili vo de Ase ghört.
Erschaffig vo de Mentsche
De Hönir isch noch de Völuspa a de Erschaffig vom erste Mentschepaar Askr und Embla bitailigt gsii, wobii de Hönir a de Mentsche de Verstand ggee het. De Snorri degege schribt, as die vo de drai Brüedere Odin, Vili und Ve erschaffe wore saiet. Drum isch es woorschiindli, as de Hönir ann vo de zwee Brüedere vom Odin isch.
Wanechrieg
Nochdem de Wanechrieg gendet het, hend d Ase und d Wane gegesittig Gaisle uustuuscht. Wääred d Wane a de Ase de Njörd, de Freyr und d Freyja gschickt hend, hend d Ase a de Wane de Hönir und de Mimir ggee. D Wane hend de Hönir zum Höptling gmacht. Wo si aber usegfunde hend, as er immer denn rootlos gsii isch, wenn de Mimir nöd umenand gsii isch, hends em Mimir de Chopf abghaue und de em Odin gschickt.
Lueg au
Büecher
- Jan de Vries: Altgermanische Religionsgeschichte; Berlin 1956.
- Rudolf Simek: Lexikon der germanischen Mythologie. Stuttgart (3. Aufl.) 2006. ISBN 978-3520-36802-4.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
