Jüdisches Museum der Schweiz
From Wikipedia, the free encyclopedia
S Jüüdische Museum vo dr Schwiz befindet sich z Basel an dr Kornhuusgass 8.
| Dialäkt: Baseldütsch |
Es zäigt dr rychi kulturelli und historischi Schatz vo de Juude in dr Schwiz. Rituelli Geegeständ mache s jüüdische Lääbe aaschaulig. Die jüüdischi Leer, s jüüdische Joor und s dääglige Lääbe wärde anhand vo Objekt daargstellt. Zum Bischbil het s e Saal, wo ganz dr jüüdische Hochzit gwidmet isch.
Dr Beärdigungsveräin «Espérance» het d Iniziative zur Gründig vom ene Jüüdische Museum in dr Schwiz ergriffe, und ane 1966 isch s Museum z Basel ufdoo worde.
D Basis vo dr Sammlig si «Judaica» gsi, wo s Jüüdische Museum vom Schwizerische Museum für Volkskund (hüte Däil vom Museum vo de Kulture) übernoo het.
Vo dr Gschicht vo de jüdische Gmeind z Basel git s Schriftstück, hebräischi Druck us Basler Druckereie us em 16. bis 19. Joorhundert und Graabstäi us de Frdhööf vo de zwäi middelalterlige jüüdische Basler Gmäinde.
E wichdigs Usstelligsguet si d Dokumänt und Objekt vom erste Zionistekongräss, wo in dr Rhiistadt stattgfunde het. Au d Zit vom Zwäite Wältchrieg isch dokumentiert.
Drzue het s Objekt us em Alterdum, zum Bischbil e röömische Menora-Ring us em 4. Joorhundert, wo mä im Joor 2001 z Kaiseraugst gfunde het, und Keramik us biblischer Zit.
Reegelmässig tuet s Museum Sonderusstellige organisiere, wo s Wüsse über verschidnigi Beriich vom Juudedum ergänze und verdiefe.
S Museum organaisiert sit 1999 all Joor für d Schwiiz dr Europäisch Tag vo der Jüdische Kultur.
- Simone Rosenkranz: Torawimpel, Würfel, bemalte Holzbrettchen und eine Viehschere. Die jüngsten Sammlungszugänge des Jüdischen Museums in einer Sonderausstellung. In: Schweizer Monatshefte. Zeitschrift für Politik Wirtschaft Kultur. Heft 11/12, November/Dezember 2006, S. 52f.
 |
Dä Artikel basiert uff ere fräie Übersetzig vum Artikel „Jüdisches_Museum_der_Schweiz“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
