Karl Kobelt
From Wikipedia, the free encyclopedia
De Karl Kobelt (* 1. August 1891 z Sanggalle; † 5. Januar 1968 z Bärn; Burger vo Marbach) isch en Schwiizer Politiker (FDP) gsii.
De Kobelt isch am 10. Dezember 1940 in Bundesrat gwählt worde. Während siinere Amtsziit isch er em Militärdepartement vorgschtande. Er isch Bundespräsident gsii i de Johr 1946 und 1952 und Vizepräsident i de Johr 1945 und 1951. Am 5. November 1954 hät er siin Rücktritt erchlärt und uf de 31. Dezember vom gliiche Johr s Amt sim Nochfolger übergeeh.