E Romanzüklus vom amerikanische Schriftsteller Fenimore Cooper From Wikipedia, the free encyclopedia
Lääderstrumpf (änglische Originalditel The Leatherstocking Tales, hoochdütsch Lederstrumpf) isch e Romanzüklus vom amerikanische Schriftsteller James Fenimore Cooper (1789–1851). Er spiilt im Oste und im Middlere Weste vo de hütige Veräinigte Staate zur Zit vo dr Usenandersetzig zwüsche de Indianer und de Wisse, wo immer witer gege Weste vordrunge si, vom Chrieg zwüsche de Kolonialmächt Ängland und Frankriich in Nordamerika bis zum Aafang vom 19. Joorhundert, wo sich mee und mee Wissi im Landesinnere niidergloo häi.
Dr Züklus bestoot us fümf Bänd. The Pioneers (1823) isch as dr erst Band vo dr Lääderstrumpf-Serii erschiine, wo wältberüemt worde isch. Im Lauf vo fast 20 Joor si denn The Last of the Mohicans (1826), The Prairie (1827), The Pathfinder (1840), The Deerslayer (1841) uusechoo. In de Romään wird, wenn au nit in chronologischer Folg, dr Lääbenswääg vom Waldlöifer Natty Bumppo, wo as „Lääderstrumpf“ bezäichnet wird, beschriibe.
Originalditel | Veröffentligung | Handligszit um | Ditel vo de früeje dütschsproochige Veröffentligunge |
---|---|---|---|
The Deerslayer, Or The First War Path | 1841 | 1740–1745 | Der Hirschtöter (1841, Übers. Otto von Czarnowski) Der Wildtöter (1841, Übers. Gustav Pfizer) |
The Last of the Mohicans. A Narrative of 1757. | 1826 | 1757 | Der letzte Mohikaner. Eine Erzählung aus dem Jahre 1757 (1826, Übers. Heinrich Döring) |
The Pathfinder; Or The Inland Sea | 1840 | 1759 | Der Pfadfinder oder das Inlandmeer (1840, Übers. Carl Kolb) |
The Pioneers; Or The Sources of the Susquehanna. A Descriptive Tale | 1823 | 1793 | Die Ansiedler (1824, Übers. L. Herrmann) |
The Prairie | 1827 | 1804 | Die Steppe (1828, Übers. K. Meurer) Die Prärie (1845, Übers. Gottfried Friedenberg) |
Lederstrumpf im dütschsprochige Wikisource
Dä Artikel basiert uff ere fräie Übersetzig vum Artikel „Lederstrumpf“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.