Leopold-Wandl-Bryys
From Wikipedia, the free encyclopedia
Dr Leopold-Wandl-Bryys (dt. Leopold-Wandl-Preis) isch e eeschtryychische Literaturbryys gsii, wu all vu 1989 bis 2012 vum Komitee fir d Bflääg vu dr Mundartdichtig vergee woren isch. Des Komitee isch vu dr obereeschtryychische Stadt Grein yygrichtet wore, d Bryysverleiig het allmol im historische Stadttheater z Grein stattgfunde.
Dr Bryys isch ab 1989 fir Gedicht un Prosa vergee, bis 1998 alljohr, syterhär all zwai Johr. Ziil isch d Beläbig vu dr Volkskultur un d Ferderig vu dr Mundartdichtig. Wu d Gmai Grein d Finanzierig yygstellt het, isch au dr Bryys yygstellt wore.
Gnännt isch dr Leopold-Wandl-Bryys noch em eeschtryychische Dialäktdichter Leopold Wandl (1923-2009), wu in dr erschte Johr au Schirmherr vu däre Uuszaichnig gsii isch.