Nidhöggr
From Wikipedia, the free encyclopedia
De Nidhöggr (an. Niðhǫggr m. »Hass-Schläger«) isch e Traach i de nordgermanische Mythologii.
![Thumb image](http://upload.wikimedia.org/wikipedia/commons/thumb/0/02/AM_738_4to_Yggdrasill.png/640px-AM_738_4to_Yggdrasill.png)
De Nidhöggr wont i de Underwelt un nagt a de Worzle vom Weltbomm Yggdrasill. S Aichörndli Ratatöskr stiftet zwüschet em und em Adler, wo im Wipfel sitzt, Striit. S rennt de Bomm uf und ab und öbermittliet hässigi Wort. I de Völuspa werd de Nidhöggr as e Traach dargstellt, wo a de Tote s Bluet uusuuget und Liiche fresst. Nochem Ragnarök werd er wider uferstoo und im Nidhavellir wone.
Nidhöggr isch au de Name vomene Zwerg i de Thulur.