Prager Börse
From Wikipedia, the free encyclopedia
D Prager Börse (tschechisch: Burza cenných papírů Praha) isch e Wertpapierbörse i de tschechische Hauptstadt Prag und Tochtergsellschaft vo de CEE Stock Exchange Group. Si isch am 24. November 1992 gründet worde und isch de Hauptorganisator für de Aktiemaart i de Tschechische Republik. De Handel mit Aktie a de Prager Börse basiert uf enere Mitglidschaft, was bedütet, dass nur genehmigti Händler Zuegang zum Handelssystem händ.
Di öschtrichischi Erschti Bank isch am 1. Oktober 2002 s erste usländische notierte Unternähme ksi. Dur d Mitglidschaft vo Tschechie i de EU am 1. Mai 2004 isch d Prager Börse automatisch volls Mitglid vo de FESE worde.
D Prager Börse ghört sit em 9. Dezember 2008 mehrheitlich (92,4 %) zu de Wiener Börse bzw. de CEE Stock Exchange Group.[1]