S fränkische Deilkönigriich Orléans
From Wikipedia, the free encyclopedia
S fränkische Deilkönigriich vo Orléans isch im Lauf vom 6. Johrhundert zweimol in underschiidliger Grössi und Zsämmesetzig bin ere Riichsufdeilig under d Söhn vom ene König entstande. D Idde bi dr Ufdeilig isch nit gsi, e neue Staat z gründe, sondern jedem Sohn e Deil vom fränkische Erbland z ge. D Deilriich s en integrale Deil vom Fränkische Riich bliibe und hai erst mit dr Erschaffig vo Austrasie, Neustrie und Burgund e politischi und historischi Identitet übercho.
S Deilkönigriich Orléans het si Name vo dr Residänz übercho. Die andere Deilriich, wo bi de Deilige vo 511 und 561 entstande si, si s Deilriich vo Paris, s Deilriich vo Soissons und s Deilriich vo Metz gsi. Dr Titel wo d Herrscher vo dene Deilriich gha hai isch "König" gsi.