![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/82/Elvis_Presley_1970.jpg/640px-Elvis_Presley_1970.jpg&w=640&q=50)
Rock ’n’ Roll
e Begriff für e amerikanischi Muusigrichdig / From Wikipedia, the free encyclopedia
Rock ’n’ Roll (churz für Rock and Roll) isch e Begriff für e amerikanischi Muusigrichdig in de 1950er- und früeje 1960er-Joor, wo nid genau umrisse isch, und für s Lääbensgfüül vo dr Jugend-Brotestkultur, wo mit dere Muusig verbunde isch.
![Thumb image](http://upload.wikimedia.org/wikipedia/commons/thumb/8/82/Elvis_Presley_1970.jpg/640px-Elvis_Presley_1970.jpg)
Kennzäiche für die mäiste Rock-’n’-Roll-Bänds isch d Bsetzig mit eme Sänger, wo as Frontmaa fungiert, begläitet vo Gitarre und/oder Klavier, Kontrabass oder E-Bass und Schlaagzüüg, gläägentlig no ergänzt dur witeri Instrumänt wie Saxofoon. Dr Gsang isch vilmol gutural-rau. S Riff, wo die ganz Zit widerhoolt wird, wird underlegt mit eme herte Beat, im Allgemäine im 4/4-Takt und gspiilt mit eme dütlige Backbeat/Offbeat. D Komposizioone si mäistens verheltnismessig churz, im 12-taktige Bluesschema und die „rollendi“ Basslinie stammt ursprünglig us em Boogie-Woogie. Dr Rock ’n’ Roll gältet as Ursprungsform vo dr Rockmuusig.
Dr Rock-’n’-Roll-Danz isch e Durnierdanz, wo mit dere Muusig verbunde isch. Er isch us em Lindy Hop (eme Swing-Danz us de 1930er Joor) entstande und si bekanntists Merkmol si akrobatischi Iilaage. Äng mit dere Muusig verbunde sin au d Dänz Jive und Boogie-Woogie.