Saitō Musashibō Benkei
From Wikipedia, the free encyclopedia
De Saitō Musashibō Benkei (jap. 西塔武蔵坊弁慶, * 1155, † 1189), oft churz Benkei (弁慶) gnännt, isch en Sōhei und en Yamabushi gsi, en japanische Kämpfmönch, im Dienst vom Minamoto no Yoshitsune. Er isch als Kämpfer eine vo de beliebtiste Figure us de japanische Folklore, wo ihn als loyale und starche Kämpfer beschriibt. Sis Läbe isch in zahlriiche Stück vom Kabuki und em Nō-Theater immer wieder verzellt worde. Drum chammer hüt Fiktion und Fakte i sinere Biographie nur no sehr schwer unterscheide.
Dialäkt: Züridütsch (Unterländer) |