![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Alamannien_Hochburgund_ca_1000.png/640px-Alamannien_Hochburgund_ca_1000.png&w=640&q=50)
Schlacht vo Wintertuur
From Wikipedia, the free encyclopedia
D Schlacht vo Wintertuur isch es wichtigs politischs Ereignis im Gebiet vo Schwoobe ane 919 gsi.
![Thumb image](http://upload.wikimedia.org/wikipedia/commons/thumb/9/9b/Alamannien_Hochburgund_ca_1000.png/640px-Alamannien_Hochburgund_ca_1000.png)
Dr König Ruedolf dr Zwöit vo Hochburgund het us em Gebiet vo dr Aare sis Rych welle bis an Bodesee vergrössere. Dozmol isch s Herzogtum Schwoobe, wo au die hütigi Oschtschwiiz drzue ghört het, wäge vilerlei Stryt schlächt gfüert gsi, und so het dr Burgunder dänkt, das sig jetz d Glägeheit zum sini Macht z erwytere. Dr Ort Züri, s wichtige Zäntrum vom Zürigöi, het er scho eroberet gha. Won er mit der burgundische Armee drno ane 919 gäge s Tuurgi zogen isch, het sech iim s Ufgebott vom alemannisch-schwööbische Herzog Burchard em Zwöite bi dr alte römische Sidlig Vitudurum, also dört wo hütt d Stadt Wintertuur isch, in Wääg gstellt.
Em Herzog Burchard sini Lüüt händ d Schlacht gwunne. Und so het sech Burgund müesse zruggzie, und au s Zürigöi isch alemannisch blibe und nit zu Burgund cho.
Drufabe hetme d Gränze zwüsche Alemannie und Burgund im schwiizerische Middelland zmitzt dur s Aargäu, öppe vom Vierwaldstettersee bis uf Basel, zoge.