Stade de l'Ill
From Wikipedia, the free encyclopedia
| Dialäkt: Mìlhüüserisch |
Boulevard Charles Stoessel - 68200 Mulhouse
Dr stade de l'Ill ìsch dr großa Füeßbàllplàtz vu Milhüüsa. Ar hàt aui a Rennpischta fer Àthletiksport. Ar befìndet sìch ìn Durni, a Viartel ìm äschtliga Teil vu Milhüüsa, gràd nawa dr Ìll - vu do kummt si Nàmma har.
Ìn da Johra 1950-60 hàt d Stàdt Milhüüsa ìn dam Viartel, nawa da Hochschüela, a großa Sportsàrea vorgsah. Ànlàga fer mehrera Sport sìn bàuia worra: fer schwìmma (dr „stade nautique“), fer schlìttschüefàhra (d „patinoire“). A großer Stade fer verschìedena Sport ìsch aui notwandig gsìì. Dr FCM, dr Füeßbàllverein vu Milhüüsa, hàt vorhar ìm Burtzwiller-Viartel gspìelt, uf'ma Füeßbàllplàtz wo scho zìmlig àlt gsìì ìsch.
Dr stade de l'Ill ìsch dr nèi Füeßbàllplàtz vum FCM worra. Ar ìsch àm 11. Àuigscht 1979 igwèiht worra. Ursprunglig hàt'r 2 600 Sìtzplatz ìn dr Ehratribüna un 10 000 Stehplatz ghàà. Ànna 1982, wo dr FCM ìn d erschta Division gstìega ìsch, ìsch d Süd-Tribüna bàuia worra, mìt 3 500 Sìtzplatz. D Ehratribüna hàt dr Nàmma vum „Pierre Hornus“ (*1908 - †1995) bikumma, a beriahmter Spìeler un dernoh Präsidant vum FCM. D Süd-Tribüna hàt dr Nàmma vum „Frédéric Johansen“ (*1972 - †1992) bikumma, a Füeßbàllspìeler wo jung ìn'ma Stroßaunfàll gstorwa ìsch.
Dr stade hàt àm meischta Litt empfànga ànna 1989: ungfahr 17 500 Züeschàuier han zàhlt ghàà fer dr Erschta-Division-Match mìt em FCM un mìt dr „Olympique de Marseille“ z'lüega.
Ìn da 1990. Johra ìsch dr FCM vu dr erschta Division àwa gànga. Zitterhar kämma vìel weniger Züeschàuier.
Obwohl àss ìm Stade nit gwachselt hàt, hàt'r jetz numma noch 11 303 Platz, waga strangera Sìcherheitsnorma.[1]
Ànna 2021 hàt ma feschtgtellt àss d Tribüna „Frédéric Johansen“ ìn'ma latza Züestànd ìsch. Ìhra Strüktür ìsch dur d Fiichtigkeit schwächer worra[2]. Sa ìsch schliaßlig ìm Àwril 2024 àbgrìssa worra.
Ìm Oktower 1988 hàt dr Pàpscht Johannes Paul II a Reis ìm Elsàss gmàcht. Àm 11. Oktower 1988 ìsch'r z'Milhüüsa gsìì; ar hàt a Mass ìm stade de l'Ill gmàcht, wo d Tribüna güftig voll Litt gsìì sìn.
Tribüna „Frédéric Johansen“
Ehratribüna „Pierre Hornus“
Ehratribüna, vu hìnta
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
