Udo Jürgens
From Wikipedia, the free encyclopedia
Dr Udo Jürgens (* 30. Septämber 1934 z Klagefurt, Kärnte, Ööstriich; † 21. Dezämber 2014 z Münsterlinge, Thurgau, Schwiz), bürgerlih Udo Jürgen Bockelmann, isch en ööstriichische Komponist, Pianist[1] und Sänger gsi. Usser dr ööstriichische Staatsbürgerschaft het er sit 2007 au die schwizerisch gha.[2] Er het öbbe 100 Millione Doondrääger verchauft und isch äine vo de bedütendste Underhaltigsmusiker im dütsche Sproochruum gsi. Im Stil nooch sött men en zwüsche Schlager, Schanson und Popmuusig iiordne. Er het as erste Ööstriicher 1966 dr Grand Prix Eurovision de la Chanson (hüte Eurovision Song Contest) gwunne.
Dr Udo Jürgens het wääred sinere Karriere, wo mee as sächzig Joor duurt het, mee as 1000 Lieder komponiert, über 50 Muusigalbum uusegee,[3] au Miusikl und Filmmuusig gschriibe und e chli gschauspiileret.