From Wikipedia, the free encyclopedia
Weißesea isch a Schtadtdoal vo dr bayrische Schtadt Fiase im Landkreis Ostallgäu. Es liggd am Nordufer vom Weißesea.
Der Nome Weißesea goht entweder auf an Alemanne mit Name Wizo zruck, wu um ca. 600 n. Chr. do gwohnt hot, oder er kommt vo dene weiße Kalchablagrunga im Sea.
Es erste Mol urkundlich erwähnt hot ma den Ort im 12. Johrhunderst.
Dr fränkisch Kenig Pippin hot dean Sea mitsamt deam Umland dem Bischof Wikterp vo Augschburg gschenkt. Noch am Haufe weitre Bsitzerwechsl hot dea Sea unds Fiaschrecht 1928 Schtadt Fiase kooft.
Weißesea isch a eigeschtändige Gmoa gwäa, bis es 1978 bei der Gebietsreform zu Fiasa komme isch.
Weißesea liegt zwische Fiase und Pfronte, isch 14 Quadratkilometer groaß und erschtreckt sich vo 800 bis 1200 Hechameter. Es isch koa gschlossene Ortschaft, sondern bestoht aus 23 Ortsdoal: Bachtl, Benke, Brand, Hinteregg, Hof, Hub, Hubmannsegg, Moos, Niederriad, Oberdeisch, Oberkiarch, Oberriad, Roßmoos, Schwarzebach, Speetl, Dal, Unterdeisch, Vorderegg, Weißesea, Wiedmar, Wies, Wörth.
Weißesea hot guat 1500 Eiwohner und lebt hauptsächlich vom Tourismus und vo der Landwirdschaft.
Tourismusverei, Freiwillige Fuirwehr, Heimat- und Drachteverei d'Falkestoaner, Jagdgenosseschaft, Musik, Schützegsellschaft, Sportverei, Theatrer, Wasserwacht, Whitelakers - Eishockeyteam, Veteraneverei
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.