Barbe
From Wikipedia, the free encyclopedia
Remove ads
D Barbe (Barbus barbus; alemanischi Näme) isch e europäische Süesswasserfisch und de Laitfisch vo de Barberegion.
Remove ads
Uussie
D Barbe isch e wiissliche dünne lange Fisch mit vile dunkle Tüpfli. Si het spitzigi Ruggeflosse und e spitzige Chopf mit vier Bartle a de Oberlippe. Vo doo chunnt au ere Name, do »Bart« uf latiinisch barba haisst. Barbe weret 30 bis 60 cm lang
Verbraitig
D Barbe chunnt i Mitteleuropa, z England und i Osteuropa bis zum Dnepr vor. Si mag warmi Flüüssgwässer mitere starche Ströömig und mit eme abwechsligswiis chiisige oder waiche schlammige Grund. Si bruucht aber au gschützti Buchte zum ruebe.
Lebeswiis
D Barbe isch e Bodefisch, wo erst i de Oobeddämmerig aktiv werd. Si fresst Insektelarve, Würmer, Schnegge und Chrepsli wo ufem Bode lebet. Im Winter versammlet sich d Barbe i tüüffe, gschützte strömigsfraie Stele und wartet passiv anenand dränglet uf de Früelig.
D Laichzitt goot vom April bis in Juni bi 15 Grad warmem Wasser. D Barbe wanderet denn de Fluss duruuf und s Wiibli lait dai 3000 bis 32000 Aier uf e stainige Grund. Di junge Fischli verstecket sich im erste Joor under de Stai und wanderet deno de Fluss abe. Barbe chönd 15 Joor alt were.
Büecher
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
- Günther Sterba: Süsswasserfische der Welt. Urania-Verlag, 1990, ISBN 3-332-00109-4
- Steinbachs Naturführer: Süßwasserfische. Ulmer, Stuttgart 2003, ISBN 3-8001-4296-1
Weblink
- Barbe uf Fishbase.org (englisch)
Wikiwand - on
Seamless Wikipedia browsing. On steroids.
Remove ads