Stimmhafter bilabialer Frikativ

De stimmhafti bilabiali Frikativ isch en Konsonant vo dr mänschliche Sprooch. S Zeiche im IPA defür isch [β].

Stimmhafte bilabiale Frikativ
IPA-Nummere	127
IPA-Zeiche	β
IPA-Bildli
Teuthonista
X-SAMPA	B
Kirshenbaum	B
Hörbiispiilⓘ/?

Es isch fascht kei Sprooch bekannt, wo en bilabiale Frikativ vo eme bilabiale Approximant ùnterscheidet. Eini Ussnaam isch d Sprooch Mapos Buang vo Papua-Neuguinea. Wemmer klar zeige wott, dass mer de Approximant meint, bruucht mer s Zeiche [β̞].

Artikulation

• Es isch en Frikativ; es wird e Engi im Muul bildet, wo de Lùftstrom duredrùggt wird.
• De Artikulationsort isch bilabial; d Ùnterlippe bildet mit de Oberlippe e Engi.
• D Phonation isch stimmhaft; derwyylscht er produziert wird, vibriere d Stimmbänder.
• Es isch en orale Konsonant; d Lùft goot dur s Muul usse.
• Es isch en egressive Konsonant; er wird allei dur s Usstoosse vo Lùft mit de Lùnge ùn em Zwerchfell erzüügt, wie die meischte mänschliche Sproochluut.

Verbreitig

Sprooch		Wort	IPA-Transkription	Bedütig	Bemerkig
Akei		[βati]		‚vier‘
Alekano		hanuva	[hɑnɯβɑ]	‚nüüt‘
Amharisch[1]		አበባ	[aβ̞əβ̞a]	‚Bluem‘	Allophon vo /b/ zwüsche Sonorante.[1]
Änglisch	Chicano	very	[βɛɹi]	‚sehr‘	Cha au als [b] ussgsproche werde.
Angor		fufung	[ɸuβuŋ]	‚Horn‘
Baskisch[2]		alaba	[alaβ̞a]	‚Dochter‘	Allophon vo /b/
Bengalisch		ভিসা	[βisa]	‚Visa‘
Berta		[βɑ̀lɑ̀ːziʔ]		‚nai‘
Chinesisch	Min Dong[3]	初八	[t͡sœ˥˧βaiʔ˨˦]	‚achte Daag vùm Monet‘	Allophon vo /p/ ùn /pʰ/ zwüsche bstimmte Vokal.[3]
Dahalo[4]		[koːβo]		‚welle‘	En hüüfige Allophon vo /b/ zwüsche Vokal.[4]
Ewe[5]		Eʋe	[èβe]	‚Ewe‘	Wird vo [v] ùn [w] ùnterschiide.
Hopi		tsivot	[tsi:βot]	‚fümf‘
Japanisch[6]		神戸市kōbe-shi	[ko̞ːβ̞e̞ ɕi]	‚Kobe‘	Allophon vo /b/ zwüsche Vokal wemmer schnäll schwätzt.
Kabylisch		bri	[βri]	‚schnyyde‘
Katalanisch[7]		rebost	[rəˈβ̞ɔst]	‚Vorratschammer‘	Approximant oder Frikativ. Allophon vo /b/.
Kinyarwanda		abana	[aβana]	‚Chinder‘
Koreanisch		전화/Jeonhwa/電話	[ˈt͡ɕɘːnβwa̠]	‚Delifon‘	Allophon vo /h/.
Limburgisch[8][9]		wèlle	[ˈβ̞ɛ̝lə]	‚welle‘	.
Luhya		Nabongo	[naβongo]	‚Chönig‘
Mapos Buang[10]		venġévsën	[βə.ˈɴɛβ.t͡ʃen]	‚Gebet‘	In derre Sprooch chömme en bilabiable Frikativ ùn en bilabiale Approximant als eigni Phonem vor.
		wabeenġ	[β̞a.ˈᵐbɛːɴ]	‚Yams‘
Okzitanisch	Gaskognisch	la-vetz	[laβ̞ets]	‚deno‘	Allophon vo /b/
Portugiesisch	Europäischs Portugiesisch[11][12]	sábado	[ˈsaβɐðu]	‚Samschtig‘	Allophon vo /b/.
Sardisch	Dialäkt vo Logudoro[13]	paba	[ˈpäːβä]	‚Papscht‘	Allophon vo /b/ zwüsche Vokal ùn vo /p/ am Aafang vùmene Wort, wänn s Wort devor diräkt verbùnde isch ùn miteme Vokal ùffhört.
Schwedisch	Zentralschwedisch[14]	aber	[ˈɑːβ̞eɾ]	‚Problem‘	Allophon vo /b/ in informelle Konteggscht.
Spanisch[15]		lava	[ˈläβ̞ä]	‚Lava‘	Allophon vo /b/.
Türkisch[16]		vücut	[βy̠ˈd͡ʒut̪]	‚Chörper‘	Allophon vo /v/ vor ùn nooch grùndete Vokal.[16]
Turkmenisch		watan	[βatan]	‚Land‘
Ukrainisch[17]		вона	[β̞oˈnɑ]	‚si‘	Di hüüfigscht Ussprooch vo /w/ vor Vokal. Cha au e labiodentals [ʋ] sy.[17]