Blässhuhn

S Taucherli, am Bodesee Beelche, z Luzärn Bucheli (mit hertem ch), (Fulica atra; alemanischi Näme) isch e hüüffige Wasservogel wo i mitteleuropäische Gwässer dor s ganz Joor aztreefen isch, bsunders vom Oktober bis in März, wenn Wintergäst usem Norde sich zo de haimische Taucherli gselet.

Taucherli
Taucherli (Fulica atra) Ruefⓘ/?
Systematik
Chlass: Vögel (Aves) Ordnig: Chranichvögel (Gruiformes) Familie: Ralle (Rallidae) Gattig: Taucherli (Fulica) Art: Taucherli
Wüsseschaftlige Name
Fulica atra
Linnaeus, 1758

Fulica atra

Uussie

S Taucherli isch ganz schwarz het aber e wiisse Schild uf de Stirn und e wiisse spitze Schnabel und rooti Auge. Di junge Taucherli sind nöd grad höbsch und gsiend verstrupflet us. Si sind eener brüünlich und hend e roote Chopf.

Lebeswiis

S Taucherli lebt uf näärstoffriiche Gwässer mit ere starche Vegetation. S taucht zwee Meter tüüf und cha 20 Sekunder underem Wasser bliibe. Vom Grund holt Wasserpflanze, Waichtier und Wandermuschle, s fresst aber au Insekte.

Taucherli bauet im Schilf e Schwimmnest. I de Bruetziit sind si zimmli agressiv.

Büecher

• Heinz Staffelbach: Handbuch Schweizer Alpen. Bern 2008, ISBN 978-3-258-06895-4.
• Stefan Ineichen (Hrsg.): Stadtfauna, 600 Tierarten der Stadt Zürich. Bern 2010, ISBN 978-3-258-07561-7
• Urs N. Glutz von Blotzheim, K. M. Bauer: Handbuch der Vögel Mitteleuropas, Band 5: Galliformes – Gruiformes, Hühnervögel, Rallen- und Kranichvögel. Aula-Verlag, ISBN 3-923527-00-4, S. 519–566.
• Hans-Günther Bauer, Einhard Bezzel und Wolfgang Fiedler (Hrsg): Das Kompendium der Vögel Mitteleuropas: Alles über Biologie, Gefährdung und Schutz. Band 2: Passeriformes – Sperlingsvögel. Aula-Verlag Wiebelsheim, Wiesbaden 2005, ISBN 3-89104-648-0.

Weblink

•  Commons: Taucherli – Sammlig vo Multimediadateie
• Video, Foto und Tonufnahme zue Fulica atra in dr Internet Bird Collection
• Fulica atra in dr Rote Lischt vu dr gfehrdete Arten vu dr IUCN. Yygstellt vu: BirdLife International, 2004. Abgruefe am 2008