Botanisches Institut der Universität Basel

S Botanische Instidut vo dr Uniwersidäät Baasel befindet sich im ene zwäistöckige Geböid an dr Schönbäistrooss 6 nördlig vom Spaledoor uf em Gländ vom e ehemoolige Spaalegottesacker. S Instidut het vier Forschigsgrubbe, die für Noochhaltigi Landnutzig, die für Pflanzenökologii, wo zum Departemänt Umwältwüsseschafte ghöört, die für Pflanzefüsiologii an dr Hebelstrooss 1 und s Instidut für Natur-, Landschafts- und Umwältschutz an dr Santihannsvorstadt 10. Aagschlosse an s Instidut isch dr botanisch Gaarde

Dialäkt: Baseldütsch

S Geböid vom Instidut und si Sammlig ghööre zu de Baasler Kulturgüeter, wo für d Region vo Bedütig si.

Gschicht

S Instidut isch 1589 gründet worde. Dr erst Brofässer uf em Leerstuel isch dr Caspar Bauhin (1560-1624) gsi. Bis 1822 isch d Brofässur für Botanik mit dr Anatomii kombiniert gsi: dr Summer het sich besser für d Pflanzekund gäignet und dr Winter für d Anatomii, wil Liiche weniger schnäll verwääse wenn s chalt isch.

S hütige Instidut het dr Rudolf Linder 1896 noch Blään vom Viktor Flück baut. Uf em Areal nääbedraa isch dr botanisch Gaarde, wo vorhär bim Äschedoor gsi isch, nöi aagläit worde.

Kwelle

• D Website vom Instidut
• Botanisches Institut - Basel, Switzerland uf waymarking.com, abgrüeft am 8. Oltober 2015

Weblingg

• D Website vom Instidut

47.5587555555567.5810666666667