Christian Wägli

Dr Christian Wägli (* 22. Dezämber 1934 z Muri; † 17. Juni 2019^[1]) isch en Schwyzer Lychtathlet gsii.

Lääbe

Dr Wägli isch vor allem uf Churz- un Mittelstreckine aktiv gsii. Wäg syre gringe Ändschnälligkait het er s Tempo als frie forciert. Anne 1958 isch er zum Schwyzer Sportler vum Johr gwehlt wore. Sy Hegschtpunkt in dr Karriere het er 1960 mit dr Dailnahm an dr Olympische Spiil ghaa. Bim Yymarsch vu dr Nazione bi dr Aafangsfyyr het er d Schwyzer Delegazion as Fahnedreeger aagfiert. Im 800-Meter-Lauf un in dr 4-mol-400-Meter-Stapfle het e olympischi Diplom gwunne (Blätz fimf resp. sechs)^[2].

Dr Wägli isch Gsellschafter vu dr dassystem AG gsii, eme Unternäme im Sportmarketing.^[3].