Collina d’Oro
From Wikipedia, the free encyclopedia
Remove ads
Collina d’Oro (lombardisch Colina d'Or) isch e Gmai im Kanton Tessin in dr Schwyz. Si ghert zum Chrais (circolo) Paradiso im Bezirk Lugano.
-2.jpg)
Remove ads
Geografi
Collina d’Oro lyt am Luganersee. Zue dr Gmai ghere d Fraktione Agra, Bigogno, Carabietta, Arasio, Pian Roncate, Gentilino, Viglio, Montagnola, Certenago, Al Guasto, Cadepiano un Scairolo. Nochbergmaine sin Agno, Caslano, Grancia, Lugano, Magliaso, Muzzano un Sorengo.
Gschicht
Collina d’Oro isch entstande im April 2004 dur d Fusion vu dr bishärige Gmaine Agra, Gentilino un Montagnola. Uf de 1. April 2012 isch au no Carabietta dezuechoo.
Gentilino isch zum erschte Mol gnännt wore anne 1210 as Gentarino, Montagnola anne 1226 as Montegnola, Bigogno anne 1270 as Bigonio. Carabietta isch anne 1335 as Carabio un 1375 as La Carabieta zum erschte Mol gnännt wore.
Verwaltig
D Burgermaischteri (Sindaco) vu Collina d’Oro isch d Sabrina Romelli Riva.
Bevelkerigsentwicklig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Agra | 164 | 149 | 151 | 161 | 172 | 164 | 185 | 274 |
| Gentilino | 333 | 295 | 346 | 346 | 336 | 427 | 492 | 472 |
| Montagnola | 551 | 517 | 588 | 540 | 614 | 678 | 641 | 662 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Agra | 515 | 430 | 389 | 385 | 369 | 252 | 333 | 401 |
| Gentilino | 517 | 541 | 558 | 606 | 829 | 985 | 1257 | 1328 |
| Montagnola | 738 | 841 | 930 | 1101 | 1326 | 1646 | 2017 | 2092 |
Dialekt
Dr lombardisch Dialäkt vu Collina d’Oro ghert zum Comasco-Lecchese.
Kultur
Vu 1919 bis zue syym Dod anne 1962 het dr Hermann Hesse z Montagnola gläbt. Am 2. Juli 1997, em 120. Geburtstag vun em, isch s Museum Hermann Hesse ufgmacht wore.
Au dr Charles Eugene Lancelot Brown, dr Gunter Böhmer, dr Max Horkheimer, dr Georg Meistermann, dr Friedrich Pollock un dr Hans Purrmann hän zytwys z Montagnola gläbt. Syt 2006 het d Stiftig Fondazione Ursula e Gunter Böhmer, Gentilino ihre Sitz in dr Casa Albisetti im Ortsdail Barca.
Uf em Chilchhof z Gentilino vis-à-vis vu dr Chilche S. Abbondio lige d Greber vum Hugo Ball un syre Frau Emmy Ball-Hennings, vu dr Ursula un em Gunter Böhmer, vum Hermann un dr Ninon Hesse un au s Familiegrab vum Bruno Walter.
Remove ads
Böuwärch
- Chilche S. Abbondio, Gentilino
- Chilche S. Tommaso, Agra
- Kapäll S. Assunta, Bigogno (1609)
- Kapäll SS. Nazaro e Celso, Montagnola (1442 gnännt)
- Kapäll S. Silvestro, Arasio (1270 gnännt)
- Vu 1913 bis 1969 het s z Agra e Lungesanatorioum fir Tuberkulosepatiänte gee.
d Casa Camuzzi 
s ehmolig Lungesanatorium „Deutsches Haus Agra“ 
s Grab vum Hugo Ball un dr Emmy Ball-Hennings 
s Grab vum Hermann Hesse
.jpg)
Remove ads
Literatur
- Virgilio Gilardoni: Il Romanico. Arte e monumenti della Lombardia prealpina. Istituto grafico Casagrande, Bellinzona 1967, S. 174–175, 202, 329, 474.
- A. Mario Redaelli, Mario Agliati: Storia e storie della Collina d’Oro. Note di storia e d’arte. 2 Bände, Gaggini-Bizzozero S.A., Lugano 1977.
- Michele Selvini und andere: Bruno Walter [Medienkombination]: la porta dell’eternità. Fondazione Culturale della Collina d’Oro, Montagnola 2001.
- Sebastiano B. Brocchi: Collina d’Oro - I Tesori dell’Arte. IKEA 2004.
- Simona Martinoli und andere: Guida d’arte della Svizzera italiana. Edizioni Casagrande, Bellinzona 2007.
- Katja Bigger: Collina d’Oro. (Schweizerische Kunstführer, Nr. 869, Serie 87). Hrsg. Gesellschaft für Schweizerische Kunstgeschichte GSK. Bern 2010, ISBN 978-3-85782-869-0.[3]
Remove ads
Weblink
- d Website vu Collina d'Oro
- Chiara Orelli: Collina d'Oro. In: Historisches Lexikon vo dr Schwiiz.
- Antonio Gili: Agra. In: Historisches Lexikon vo dr Schwiiz.
- Antonio Gili: Carabietta. In: Historisches Lexikon vo dr Schwiiz.
- Bernardino Croci Maspoli: Gentilino. In: Historisches Lexikon vo dr Schwiiz.
- Bernardino Croci Maspoli: Montagnola. In: Historisches Lexikon vo dr Schwiiz.}
Fueßnote
Wikiwand - on
Seamless Wikipedia browsing. On steroids.
Remove ads