Göppingen
From Wikipedia, the free encyclopedia
Remove ads
Gebbinga (so middlschwäbisch, sonsd ao Gebbenga, dt. Göppingen) isch a Schdadd en Bada-Wirddabärg, ogfär 40 Kilometer eschdlich vo dor Landeshaobdsdadd Schduagord. Se isch Groasa Graesschdadd ond d graeschda Schdadd vom gleichnãmicha Landgraes. Gebbinga bilded a Middlzedrom fir d Gmaendena dromrom. D Schdadd leid an dor Bundesschdrås B10 Sduagord - Olm ond an dor gleicha Eisabãschdregge. Em Schdadddåel Maitis leid s "Weschorschlessle", s glaene Schdammschlessle vo de groaße Hohastaufor-Kaisor. Edd weid wägg vo Gebbinga liiged ao dia so gnannde "drei Kaisorbärg" Hohastaufa, Stuifa ond Rächberg.
Remove ads
Geografii


Gebbeng leid em Vorland vo dor Schwäbischa Alb, em middlora Daal vo dor Fils, zomm Dåel am Hang vo demm Hehazug drã, där må vom Hohastaufa zom Filsdaal nomgåd.
Nåchborgmaendena
An Gebbeng grenzed ã (em Uhrzåegor nåch, em Osda ãgfanga):
Oddabach, Eisleng, Siassa, Schlad, Eschabach, Håeneng, Dirnao, Bad Boll, Zell, Haddahofa, Uigna, Wanga, Rächberghausa, Birabach un Weschabeira (älle Landgraes Gebbeng), dorzuanã Gmend (Osdalbgraes).
Stadtglidorong
Gebbeng sezzd sich zsẽma aus dor aegendlicha Saddd ond de siiba Sdaddbezirk: Baardabach, Bezgariad, Farndao, Hohastaufa, Holza, Jebahausa ond Maitis. Se send älla ămål sälbsdendiche Gmaendena gwäa. Jedor vo denne Sdaddbezirk hådd on Bezirksbeiråd. D Midgliidor vo de Bezirksbeiräd wärded vom Gmaenderåd aus denne Birgor, dia må em jeweilicha Bezirk wohned und dia må wehlbar send, nåch jedora reglmäsicha Wahl vom Gmaenderåd nui bsdelld.
Zo de oenzlne Bezirk ghaered ao Wohnbläzz mid åegene Nãma, z. B. Lerchabärg ond d Krettehef (zu Baardabach), Schopflebärg (Bezgariad), Briilhof, Gotthardshof, Hirschhof, Hohraen, Vaihenger Hof ond Ziigelhidde (Hohastaufa), Manza, St. Gotthardt ond Urschawang (Holza) ond Lenglenga (Maitis). En dor Kärnsdadd ondorschaeded-mor oa landlaefich Bodafäld, Reisch, Birgerhelzle, Schiiforgruab ond Galgabärg.
Raomblanong
Gebbeng isch a Middlzendrom en dor Regio Stuagort mid Stuegert als Oborzendrom. Zum Mittelbereich Gebbeng ghaered näaba dor Sdadd sälbor no Sdedd ond Gmaendena em Norda ond Wäsda vom Lndgraes, nẽmlich: Aadlbärg, Alberschhausa, Birabach, Berdleng, Bad Boll, Donzdorf, Dirnao, Äborschbach, Eisleng, Eschabach, Gammelshausa, Giinga, Haddahofa, Haeneng, Laudorsdoe, Oechelberg, Ottenbach, Rechberghouse, Saala, Schlad, Schliirbach, Siassa, Uigna, Weschabeira, Wanga ond Zäll.
Remove ads
Aus dor Gschiichd
Gebbeng isch zom aersda Mål ärwehnd wårda ǎnna 1110 (Urkund aus-m 16. Jh.). D Sdadd ghaerd seid jehär zo Wirddabärg ond isch bis 1938 Oboramdssdadd gwäa, seiddem Graessdadd.

Wirtschaft
Gebbeng isch dor Sizz vo dor Firma Märklin, dor bekannda Sbiilzeig-Eisabãfabrik.
Verwaldong
Mid de Gmaendena Schlad, Wäschabeira ond Wanga hådd Gebbeng a Vorwaldongsgmaenschafd ausgmachd.
Dor Oberbirgermåesdor isch dor Guido Till.
Wahla
Ergebnis vo de Landdagswahla seid 2006:
Jahr | CDU | Griane | SPD | FDP | Lenke1 | AfD | Sonschtiche |
2016 | 21,9 % | 29,5 % | 14,7 % | 8,5 % | 2,5 % | 18,1 % | 4,9 % |
2011 | 36,5 % | 23,1 % | 25,6 % | 5,1 % | 4,1 % | 5,5 % | |
2006 | 43,3 % | 9,5 % | 29 % | 9,3 % | 4,2 % | 4,8 % |
1 2006: WASG, seid 2011: Die Linke
Remove ads
Dialäggd
Dor Dialäggd vo Gebbeng isch Middlschwäbisch.
Leid
- Bernd Tauber (* 1950), deitscher Schauspiler)
Literatur
- Erich Keyser: Württembergisches Städtebuch; Band IV Teilband Baden-Württemberg Band 2 aus "Deutsches Städtebuch. Handbuch städtischer Geschichte – Im Auftrage der Arbeitsgemeinschaft der historischen Kommissionen und mit Unterstützung des Deutschen Städtetages, des Deutschen Städtebundes und des Deutschen Gemeindetages, Stuttgart 1961.
- Geppo: Krieger, Bauer, Siedlungsgründer? Veröff. Stadtarchiv Göppingen 43, Göppingen, 2003. – ISBN 3-933844-45-2.
- Der Kreis Göppingen. Konrad Theiss Verlag. Stuttgart 1978. – ISBN 3-8062-0374-1.
- W. Ziegler (Hrsg.): Stadt, Kirche, Adel. Göppingen von der Stauferzeit bis ins späte Mittelalter. Veröff. Stadtarchiv Göppingen 45. Göppingen 2006. ISBN 978-3-933844-49-1.
Remove ads
Fuaßnoda
Weblinks
Wikiwand - on
Seamless Wikipedia browsing. On steroids.
Remove ads