Gangfisch

De Gangfisch (Coregonus macrophthalmus; alemanischi Näme) isch e Süesswasserfisch und ghört wie de Sandfelche, de Blaufelche und de Chilch zo de endemische Felchenarte im Bodesee.

Gangfisch
Gangfisch (Coregonus macrophthalmus)
Systematik
Chlass: Chnochefisch (Osteichthyes) Underchlass: Strahleflosser (Actinopterygii) Ordnig: Lachsartigi (Salmoniformes) Familie: Lachsfisch (Salmonidae) Gattig: Coregonus Art: Gangfisch
Wüsseschaftlige Name
Coregonus macrophthalmus
Nüsslin, 1882

Fischer us Ärmetinge mit ere Gangfischsegi (Foti vo 1894)

Uussie

De Gangfisch isch e silbrige länglische Fisch, wo 25 bis 30 cm lang werd und öppe 300 g wögt. De Rugge isch echli dünkler, aber nöd ase starch gfärbt, wie bim Blaufelche. Sini Rugge- und Buuchflosse gönd is hend e geele Farbton. De Gangfisch het groossi Auge aber e chliis Muul.

Verbraitig

De Gangfisch isch en endemischi Art, wo nume im Bodesee haimisch isch. Er ghört zo de Schwebfelche, und lebt im offne Wasser und taucht bis 40 Meter tüüf. Noiji Gangfischpopulatione sind i de Noiziit i merere norditalienische Seeje agsidlet wore, so z. B. im Gardasee.

Lebeswiis

De Gangfisch isch e Schwebfelche wo im offnige Wasser lebt und Plankton und Insekte fresst. Er laicht vom November bis in Dezember i flache Wasserstele i de Uufernööchi.

Büecher

• Maurice Kottelat: European Freshwater Fishes. Cornol 2007, ISBN 978-2-8399-0298-4.
• Adolf Ribi: Die Gangfischsegi. Ein Beitrag zur Ermatinger Fischersprache. In: Thurgauer Jahrbuch 1975. Band 50 (1974), S. 28–52 (doi:10.5169/seals-699345).

Weblink

• Gangfisch uf Fishbase.org (englisch)