Habicht
From Wikipedia, the free encyclopedia
Remove ads
De Happech, Hack, Hennâhack oder au Hüennerwai (Accipiter gentilis; alemanischi Näme) isch e Raubvogel, wo i Mitteleuropa dor s ganze Joor döre vorchunnt. I de Alpe isch er bis zonere Hööchi vo 2200 müM verbraitet. Er isch recht schüüch und und selte i de Nööchi vo Sidlige aaztreffe. De Happech gsiet äänlich uus wie de Sperber isch aber gröösser.
Remove ads
Uussie
De Happech isch e graubruune Vogel, wo a de Undersiite liecht gstraifflet isch. Sin lange Schwanz und sini braite Flögel sind dunkel und eener bloilich. Jungi Happech sind mee rootbruu und hend a de Undersiite wiisslichi Straiffli. S Mandli oder de Terzel isch mit öppe 50 cm vill chlinner as Wiibli, wo öppe 60 cm groos werd. D Spannwiiti isch öppe 95 cm bzw. 110 cm. Happech chönd öber e Kilo schwer were.
Remove ads
Lebeswiis
De Happech lebt i uufglockrete Wälder mit vill Altholz und baut uf Bömm inere Hööchi zwöschet 10 und 16 Meter e groosses Nest us grüene Äst. Happechpäärli bliibet anenand för s ganz Lebe troi und si bruucht eri Nester au meriri Joor. Happech sind gschickti wendigi Flüüger. Si hocket anere guete Stell und schüüset zunderainisch uf s Opfer loos. Zu de Büüti ghööret chliini Vögel, aber au Chraie, Orlihään und Hüenner und au Süüger wie Müüs, Aichörnli und Hase.
Remove ads
Bsundrigs
De Happech werd för d Jagd abgrichtet.
Büecher
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
- U. N. Glutz v. Blotzheim und K. M. Bauer & E. Bezzel: Handbuch der Vögel Mitteleuropas. Bd. 4., 2. Aufl., AULA-Verlag, Wiesbaden, 1989.
Weblink
- Accipiter gentilis in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 13. Oktober 2008
- Video, Foto und Tonufnahme zue Accipiter gentilis in dr Internet Bird Collection
Wikiwand - on
Seamless Wikipedia browsing. On steroids.
Remove ads