Indus
en Fluss z Asien From Wikipedia, the free encyclopedia
Remove ads
Dr Indus (Sanskrit सिन्धु, Sindhu, Urdu سندھ Sindh) isch mit 3.180 km dr lengscht Fluss uf em indische Subkontinänt un dr wichtigscht Strom vu Pakistan.
Remove ads
Flussverlauf
Är entstoht im Transhimalaya z Tibet us em Zämmefluss vu Glätscherbäch bi Sênggêkanbab, bricht dur dr Himalaya un fließt derno dur dr Tarbela-Stausee (254 km²; 13,69 km³) un d Provinze Punjab un Sindh z Pakistan. Dert bildet er unterhalb vu Hyderabad e Delta vu 7.800 km² un mindet derno in s Arabisch Meer. In syym Mittellauf isch dr Fluss Grundlag fir umfangryychi Bewässerigsaalage fir d Landwirtschaft. Dert wird s grescht landwirtschaftlig Bewässerigsbiet vu dr Ärd dur e Vilzahl vu Staudämm un Kanäl versorgt. Im Mittel- un Unterlauf mäanderet dr Fluss seli stark. E Vertrag zwische Indie un Pakistan (Indus-Wasservertrag 1960) reglet d Wasserversorgig. D Mängi vum gfierte Wasser schwankt stark wäg em Monsunräge.
Remove ads
Etymologi
Dr Name „Indus“ goht iber Vermittlig vum Altgriechisch, gnauer: vum Ionische Dialäkt, wu dr Huchlut "h" nit gchännt het (Ἰνδός Indos) un Altpersisch (Hinduš) uf s Sanskrit-Wort सिन्धु sindhu mit dr Bedytig „Fluss“ zruck. Vum Name vum Fluss här isch au d Bezaichnig „Indie abglaitet. Dr Name vum Indus in dr sidasiatische Sproche (z. B. Urdu سندھ Sindh) laitet sich dergege diräkt us dr Sanskrit-Form här. Au d Provinz Sindh am Unterlauf het ihre Name noch em Fluss iberchuu.
Remove ads
Gschicht
Die Indus-Kultur isch aini vu dr eltschte stedtische Zivilisatione vu dr Wält gsii un het sich in dr Zyt 2800-1800 v. Chr. am Indus lang entwicklet.
Im Johr 326 v. Chr isch dr Alexander dr Groß mit syne Druppe uf syym Eroberigszug dur Persie an dr Indus chuu un het dr Fluss zue dr Oschtgränz vu syym Ryych gmacht.
Weblink
- Pakistan Water Gateway: Indus basin
Wikiwand - on
Seamless Wikipedia browsing. On steroids.
Remove ads