Kernspaltung

Kärnspaltig (änglisch nuclear fission) bezäichnet e Brozäss in dr Kärnfüsik, won e Atomkärn in zwäi oder mee Bestanddäil gspalte wird und drbi Energii freigsetzt wird. Dr Kärnspaltig wird mänggisch au as Kärnfission (latiin. fissio ‚s Spalte‘) bezäichnet – was nit mit Kärnfusion wo zwäi Atomkärn drbii verschmelze daf verwäggslet wärde. De Stoff, wo dur d Spaltig entstöön, säit mä Spaltbrodukt.

Animazion von ere Kärnspaltig noch em Dröpflimodäll mit drei Nöitrone, wo frei wärde (Spiile)

Bischbil für e Kärnspaltig vo Uran²³⁵

Spontani und induzierti Spaltig

E baar Arte vo Atomkärn (Nuklid) spalte sich ooni Iiwirkig vo usse. Die spontani Spaltig isch en Art vom radioaktive Verfall. Mä cha sä quantenmechanisch mit em Dunneleffäkt erklääre, wo äänlig wie dr Alpha-Zerfall isch.

In dr Braxis isch aber die induzierti Spaltig wichdiger. Bi dere Kärnreakzioon drifft e freis Däili, mäistens e Neutron, zuefellig uf e Kärn und wird von em absorbiert. Dr Kärn gwünnt dur das Bindigsenergii und eventuelli kinetischi Energii vo däm Neutron, chunnt dorum in en aagregte Zuestand und spaltet sich. Näbe dr Spaltig git s au anderi Möögligkäite, zum Bischnil cha s Neutron iigfange wärde, dr aagregti Atomkärn straalt e Gammaquants ab, regt sich eso ab und isch wider im ene stabilen Zuestand.

Weblingg

 Commons: Kärnspaltig – Sammlig vo Multimediadateie

• Flash-Animazion von ere Kärnspaltig vo U-235 (dwu-Unterrichtsmaterial)