Max Lütolf

Dr Max Oskar Lütolf (au Lütolf-Hunkeler; * 1. Dezämber 1934 z Autishofe^[1]; † 23. Novämber 2015^[2]) isch e Schwyzer Musikwisseschaftler gsii.

Dr Lütolf het anne 1967 promoviert un sich 1976 an dr Universitet Züri habilitiert. Vu 1977 bis zue syre Emeritierig anne 2000 isch der derno Profässer am Musikwisseschaftlige Inschtitut vu dr Universitet Züri gsii,^[3] glychzytig mit em Ernst Lichtenhahn. Syter anne 1984 isch er au stellverdrättende Vorsitzer vum Inschtitut fir himnologischi un musikethnologischi Studie z Köln gsii.^[1] Im Johr 1973 isch er mit dr Dent Medal uuszaichnet wore un 1986 het er dr Ehredokterwird vum Päpschtlige Inschtitut fir Chilchemusik iberchuu. 1992 isch er in d Academia Europaea ufgnuu wore.^[1]

Är isch ghyrote gsii mit dr Sylvia Hunkeler.

Literatur

• Bernhard Hangartner, Urs Fischer (Hrsg.): Max Lütolf zum 60. Geburtstag: Festschrift. Wiese, Basel 1994.