Oberdeutsche Dialekte

Di oberdytsche Dialäkt zelle zue dr hochdytsche Dialäkt im Side vum dytsche Sprochruum. S Oberdytsch unterscheidet sich vum Mitteldytsch doderdur, ass di zwot oder hochdytsch Lutverschiebig in sterkerem Maß durgfiert woren isch.

Dialäkt: Undermarkgreflerisch

Di oberdytsche Dialäkt

Biet un Abgränzig

D Gränze vu dr oberdytsche zue dr mitteldytsche Dialäkt bildet d Speyerer Linie (nerdligs Appel gege sidligs Apfel). Di nerdlige oberdytsche Dialäkt hän bi dr zwote Lutverschiebig dr nejhochdytsch Stand, in dr sidlige oberdytsche Dialäkt isch au no urgerm. k im Aalut verschobe (Affrikata im Südbairisch, Extremverschiebig zue dr Frikata im Sidalemannisch):

• Niderdytsch: maken – Appel – Katt
• Mitteldytsch: machen – Appel – Katz
• Oberdytsch: machen – Apfel – Katz
  • Sidbairisch: Kchatz
  • Sidalemannisch: Chatz

In däm Verglyych sin d Worttype ufzellt ohni wyteri Lutveränderige, wie z. B. dr Nasalschwund (machen > mache) oder dr Umlut oder d Rundig (Apfel > Epfel > Öpfel).

Dialäkt

Zum Oberdytsch ghere drej großi Dialäktgruppe: s Alemannisch, s Bairisch un s Oschtfränkisch. In eltere Darstelige het mer d Karlsruher Linie as Gränz vum Oberdytsch zum Mitteldytsch aagsähne, wäge däm het mer do s Oschtfränkisch no as Ibergangsruum zwisch em Oberdytsch un em Mitteldytsch definiert. In dr nejere Literatur wird s Oschtfränkisch aber em Oberdytsch zuegordnet, wel mer hite d Speyerer Linie un d Germersheimer Linie as wichtiger aasiht.

Au s uusgstorbe Langobardisch wird zue dr oberdytsche Dialäkt zellt, wel d Lutverschiebig vollständig durgfiert gsi isch.

• Ooberdydsch
  • Oschtfränkisch (Nordoberdydsch)
    • Mainfränkisch
    • Siidfränkisch
  • Alemannisch (Weschtoberdydsch)
    • Nordalemannisch
      • Schwebisch
      • Oberryyalemannisch
      • Bodeseealemannisch
    • Südalemannisch
      • Hoochalemannisch
      • Hekschtalemannisch
  • Bairisch (Oschtoberdydsch)
    • Nordbairisch
    • Mittelbairisch
    • Südbairisch

Weblink

• Deutscher Sprachatlas