Obligationenrecht (Schweiz)

S Schwizerische Obligazioonerächt (OR) isch dr fümft Däil vom Schwizerische Zivilgsetzbuech (ZGB), het aber en äigeni Ardikel-Nummerierig überchoo und isch im Umfang lenger as die andere vier Däil zämme.

Basisdaten
Titel:	Bundesgesetz betreffend die Ergänzung des Schweizerischen Zivilgesetzbuches (Fünfter Teil: Obligationenrecht)
Churzditel:	Obligazioonerächt
Abchürzig:	OR
Art:	Bundesgsetz
Gältigsberiich:	Schwiz
Rächtsmaterie:	Brivaträcht
Süstematischi Rächtssammlig (SR):	220
Ursprüngligi Fassig vom:	14. Juni 1881
In Chraft sit em:	1. Januar 1883
Nöi bekannt gmacht am:	3. Merz 1905
Letschti Nöifassig vom:	30. März 1911
D Nöifassig isch in Chraft dräte am:	1. Januar 1912
Letschti Änderig dur:	AS 2011 5863 (PDF; 102 kB) AS 2011 4637 (PDF; 168 kB)
Die letschti Änderig isch in Chraft dräte am:	1. Januar 2012

Inhalt

S OR behandlet in dr Erste Abdäilig allgemäini Bestimmige

1. wie Obligazioone, d. h. Schuldverheltnis, entstöön,
2. d Wirkig vo de Obligazioone, d. h. wien e Obligazioon ornigsgmäss erfüllt wird,
3. wenn Obligazioone usglöscht wärde, mäistens häisst daas, ass alli Obligazioone erfüllt si,
4. bsundrigi Verheltniss wie d Solidarschuld und d Konwenzionalstroof
5. S Abdräte vo Forderige und s Übernee vo Schulde

Die Zwäiti Abdäilig isch über die äinzelne Verdraagsverheltniss

6. dr Chaufverdraag
7. d Schänkig
8. d Mieti und d Pacht
9. s Usleene
10. dr Aarbetsverdraag
11. dr Wärkverdraag
12. dr Verlaagsverdraag
13. dr Ufdraag (Ehe- oder Partnerschaftsvermiddlig, dr Kreditbrief und dr Kreditufdraag, dr Maklerverdraag, dr Agenturverdraag)
14. d Gschäftsfüerig ooni Ufdraag
15. d Kommissioon
16. dr Frachtverdraag
17. d Prokura und anderi Handligsvollmachte
18. d Aawiisig
19. dr Hinderlegigsverdraag
20. d Bürgschaft
21. Spiil und Wett
22. dr Liibränteverdrag und d Verpfründig

Die dritti Abdäilig behandlet d Handelsgsellschafte und d Gnosseschaft, die vierti s Handelsregister, Gschäftsfirme und kaufmännischi Buechfüerig und die fümfti d Wärtbabbiir.

Weblingg

• Teggst vom Obligazioonerächt vom 30. Merz 1911 in dr süstematische Sammlig vom Bundesrächt
• Lukas Gschwend: Obligationenrecht (OR). In: Historisches Lexikon vo dr Schwiiz.
• Eugen Bucher: Schweizerisches Obligationenrecht, Allgemeiner Teil 2. Uflaag. 1988, klassischs OR-Leerbuech, vergriffe aber im Internet gratis zuegänglig. Isch aber nid up to date.

Bitte gib au Achtig uf dr Hiwis zue Rechtstheme!