Quadrat (Arithmetik)

In dr Arithmetik isch s Quadrat vonere Zahl definiert as s Produkt vo dr Zahl mit sich sälber, das heisst me bekunnt s Quadrat vonere Zahl, indämm me se mol sich sälber rächnet (Multiplikation). Oder me definierts as d Pottänz vo derä Zahl mit em Exponänt 2. Dämentsprächend schribt mes Quadrat als e hochgstellti 2.

Byspiil: "3 (im) Qudrat" oder "3 hoch 2"

${\displaystyle 3^{2}=3\cdot 3=9}$

D Quadratfunktion und d Quadratwurzlefunktion

D Funktion ${\displaystyle x\mapsto x^{2}}$, wo jedere reelle Zahl ${\displaystyle x}$ ihr Quadrat ${\displaystyle x^{2}}$ zueordnet, heisst Quadratfunktion und ghört zu de quadratische Funktione. Ihr Graph isch die sogenannti Normalparable.

D Umkehrfunktion vo der Quadratfunktion, wo uf nit-negativi reelli Zahle iigschränkt isch, isch d (Quadrat-)Wurzlefunktion, wo jedere Zahl ${\displaystyle x\in \mathbb {R} _{0}^{+}}$ ihri Quadratwurzle ${\displaystyle {\sqrt {x}}}$ zueordnet.