Saane

D Saane (französich Sarine, im Fryburger Patois Charnà^ⓘ/? oder au Chareina) isch e Fluss i dr Schwiiz.

Dä Artikel behandlet en Fluss i dr Schwiz. Witeri Bedütige findt me under Saane (Begriffsklärig).

Saane Sarine, Charnà, Chareina
d Saane bi Oesch d Saane bi OeschVorlage:Infobox Fluss/KARTE_fehlt
Date
Gwässerkennzaal	CH: 227
Laag	Schwiz
Flusssystem	Rhii
Abfluss über	Aare → Rhii → Nordsee
Quelle	Sanetsch as La Sarine 46° 19′ 50″ N, 7° 15′ 59″ O46.330457.266372344
Quellhöchi	2'344 m ü. M.Vorlage:Infobox Fluss/NACHWEISE_fehlen
Mündig	zwüsche Mülibärg und Golate id Aare46.979357.260918463 46° 58′ 46″ N, 7° 15′ 39″ O46.979357.260918463
Mündigshöchi	463 m ü. M.Vorlage:Infobox Fluss/NACHWEISE_fehlen
Höchiunterschiid	1881 m
Lengi	126 km[1]
Iizugsgebiet	1892 km²Vorlage:Infobox Fluss/NACHWEISE_fehlen
Abfluss am Pegel Laupen[2] AEo: 1861 km²	NNQ (1964) MQ Mq HHQ (1925)	5,12 m³/s 53,8 m³/s 28,9 l/s km² 925 m³/s
Rächti Nääbeflüss	Jaunbach, Ärgera, Galtera
Linggi Nääbeflüss	Torneresse, Hongrin, Trême, Sionge, Glâne, Sonnaz, Seise
Stausee	Sanetschsee, Lac du Vernex, Lac de Lessoc, Pigritzsee, Greyerzersee, Schifenesee

Si het e Lengi vo 126 Kilometer und flüsst dur vier Kantöön.

D Kwelle vo dr Saane lyt im Wallis im Gländ mit Schrattechalch under em Zanfleuron-Gletscher am Sanetschhorn. Bim Sanetschpass isch e Stausee vo der Kraftwerk Sanetsch AG, und öschtlich dervoo stoot der Arpelistock. Nach es baar Kilometer goot dr Bärgbach über d Kantonsgränze is Bärnbiet. Är chunt über Wasserfäll in Taalbode vo Gsteig und Gstaad im ehmolige Amtsbezirk Saane abe, wo sit 2010 dr Verwaltigschreis Obersimmetal-Saane isch, und macht denn e Rank gäge Weschte. D Saane flüss wyters dure Waadtländer Bezirk Oberland und dur s fryburgische Gebiet vom Greyerzerland und dure Saanebezirk.

Im Kanton Waadt isch d Saane bi Rossinières im Vernexsee ufgstaut, wo s Wasser uf s fryburgische Chraftwärch bi Montbovon abegitt, und uf em Wäg dure Kanton Fryburg sind am Flusslauf no vier Stauseeè: dr Lessocsee, dr Greyerzersee, dr Pigritzsee vom Ölbärgchraftwärch i dr Fryburger Magerau und dr Schifenesee. Alli die Wasserchraftwärch ghöre dr Stroomfirma Groupe E.^[3]

Bi Laupen isch d Ymündig vo dr Seise id Saane, und dört chunt dä Fluss wider in Kanton Bärn, won er nach eme churze Wääg zwüsche Mülibärg und Golate id Aare mündet.

Dr Ssane no isch e ganz Chötti vo Naturschutzpiet, so öppe dr Greyerzersee, won es nazionals Vogelschutzgebiet isch, dr Pigritzsee,^[4] s Auried bi Chlybösige und s grosse Mündigsgebiet Wilerau-Oltigematt, wo me zu de Schwiizer Auelandschafte mit nazionaler Bedüütig zelt.^[5]

• 
  dr Greyerzersee
• 
  d Saane bi Fryburg
• 
  s Viadukt vo Grandfey
• 
  es alts Flugfoti vo dr Saanemündig a dr Aare

Literatur

• Eric Thilo: La Sarine. Die Saane. Soledurn Fryburg 1979.

Weblink

 Commons: Saane – Sammlig vo Multimediadateie

• Anne-Marie Dubler: Saane (Fluss). In: Historisches Lexikon vo dr Schwiiz.