Saint-Étienne-lès-Remiremont
From Wikipedia, the free encyclopedia
Remove ads
Saint-Étienne-lès-Remiremont 
[sɛ̃t‿etjɛn le ʁəmiʁmɔ̃](info) ìsch a frànzeescha G’mainda mìt 3827 Iiwoohner (Schtànd 1. Januar 2020) ìm Vogeesa-Departement ìm Süüda vu dr Regioon Grand Est. Sa g’heert zem Arrondissement Épinal un zem G’maindaverbànd Porte des Vosges Méridionales. D’ Iiwoohner nännt m’r Stéphanois [stefanwa](info) (fìr d’ Manner) un Stéphanoises [stefanwaz](info) (fìr d’ Fràuija) uff Frànzeesch.[1]
| Dialäkt: Mìlhüüserdiitsch |
Remove ads
wu ’s lììgt
s’ Gmaindagebiat vu Saint-Étienne-lès-Remiremont
D’ Klaischtàdt Saint-Étienne-lès-Remiremont granzt unmìttelbààr àn d’ Schtàdt Remiremont — d’ owwera Mosel bìldet d’rbii d’ Trännungsliinia. Dr Fluss Moselotte, wo vu da Vogeesa kummt, mìndet ìm Süüdoschta vum Karnort ìn d’ Mosel.[2]
S’ G’maindagebiat ìsch wo 33,8 km² grooss. ’S ärschträckt sìch vu dr Moselotte-Mìndung un folgt d’ rachta Moseluufer uff’ra Länga vun äbba zehn Kilomeeter vun Norda uff Süüda. Zem G’maindagebiat g’heera-n-àui b’wàlda-n-Üsslaifer vu da Vogeesa eeschtlig vu dr Mosel, womm’r uff Frànzeesch Forêt de Fossard nännt, so wia-n-a dìnner „Durchgàng“ süüdlig vum Karnort, wo 100 bis 500 Meeter brait ìsch, un wo bis zem Rhii-Rhône-Wàsserschaid làuift. D’ G’mainda hàt ìhr heechschter Punkt mìt 819 Meeter ìwwer’m meer ìm Nordoschta vum Gebiat. ’S gìtt àui wittera Ärheewunga, wia dr Roche du Thin (757 Meeter hooch) un dr Üsssìchtspunkt Saint-Mont (667 Meeter hooch). Ìm G’mauindagebiat vu Saint-Étienne fliassa d’ Bargbachla Ruisseau de la Suche, Ruisseau de Seux un Ruisseau de la Croissette, wo ìn d’ Mosel mìnda.[2]
Umgaa wìrd Saint-Étienne-lès-Remiremont vu da Noochberg’mainda Éloyes ìm Norda, Tendon ìm Nordoschta, Cleurie un Saint-Amé ìm Oschta, Dommartin-lès-Remiremont ìm Süüdwäschta un Süüda, Girmont-Val-d’Ajol un Le Val-d’Ajol ìm Süüdwäschta so wia Remiremont un Saint-Nabord ìm Wäschta.[2]
Remove ads
wia d’ Beveelkerung äntwìckelt hàt
| Joohr | 1962 | 1968 | 1975 | 1982 | 1990 | 1999 | 2006 | 2013 | 2022 |
| Iiwoohner | 3369 | 3741 | 3936 | 4497 | 4085 | 4057 | 3919 | 3848 | 3814 |
| Kwalla: LdH/EHESS/Cassini | |||||||||
D’ Schtàdtbeveelkerung ìsch bis ìn d’ 1980er Joohra ìmmer g’wàcksa, àwwer zitterhaar hàt dr Nììdergàng vu dr Täkschtiilìndüschtrii a negàtiiwa-n-Iifluss uff d’ Beveelkerungszààhla. Ànna 1982 hàt d’ G’mainda bis zu hìtt mìt 4497 ìhra heechschta Iiwoohnerzààhl g’hàà.[2]
Pàrtnerschàft mìt’ra àndra Schtàdt
Zitter Dezamber 1986 gìtt’s a Schtàdtpàrtnerschàft zwìscha Saint-Étienne-lès-Remiremont un Vila das Aves ìm Norda vum Portügàl.[3][4]
wìchtiga Litt üss dr Schtàdt
- dr Adrien Bailly (1875–1955) ìsch z’ Nexlard, era Ortschàft z’ Saint-Étienne-lès-Remiremont, uff d’ Walt kumma. Ar ìsch Laiter vu da B’rüafsschüala z’ Thaon-les-Vosges un Mìlhüüsa gsìì. Ar ìsch àui Unkel vum Àuitoor Henri Thomas gsìì.[5]
- dr Schüallehrer, G’warkschàftler un Àuitoor Paul George, womm’r àui „Georges Airelle“ nännt (1882–1947), ìsch z’ Saint-Étienne-lès-Remiremont uff d’ Walt kumma.[6]
- dr Politiker Charles Guyon, wo ànna 188 Gen’rààl-Kàntoonsroot vu Remiremont gsìì ìsch, ìsch z’ Saint-Étienne-lès-Remiremont uff d’ Walt kumma.[7]
- dr Àuitoor un Verlaager Francis Martin (* 1945) ìsch z’ Saint-Étienne-lès-Remiremont uff d’ Walt kumma.[8]
Remove ads
Lüag àui
Lìteràtüür züa dr Schtàdt
- Paul Chevreux, Léon Louis: Saint-Étienne. In: Dictionnaire historique et statistique des communes, hameaux, écarts, fermes. Band 7. Épinal 1889 (französisch).
- Charles Kraemer, Michel Rouillon: Guide historique et archéologique du Saint-Mont et ses environs. Groupe de recherches archéologiques des Hautes Vosges (GRAHV), Épinal August 1990 (französisch).
- Bernard Puton: Promenades aux mégalithes des environs de Remiremont. (französisch).
Remove ads
Weblìnks
- Websitta vu dr G’maindaverwàltung (frànzeesch)
- Schtàtistik züa dr G’mainda Saint-Étienne-lès-Remiremont biim INSEE (frànzeesch)
- Informàzioona züa dr G’mainda Saint-Étienne-lès-Remiremont ìn dr Dààtabànk vun LdH/EHESS/Cassini (frànzeesch)
Ainzelnoohwiisa
Wikiwand - on
Seamless Wikipedia browsing. On steroids.
Remove ads