Triotto

De Triotto (Rutilus aula) isch e Süesswasserfisch wo z Norditalie endemisch isch und au im Tessin vorchunnt.

Triotto
Triotto (Rutilus aula)
Systematik
Ordnig: Charpfenartigi (Cypriniformes) Überfamilie: Cyprinoidae Familie: Charpfefisch (Cyprinidae) Underfamilie: Leuciscinae Gattig: Rutilus Art: Triotto
Wüsseschaftlige Name
Rutilus aula
Bonaparte, 1841

Uussie

De Triotto isch e länglich Fisch, wo 12 bis 20 cm lang werd. Er het e wiisse Buuch und e schwaarze Rugge. Vom Aug bis zo de Schwanzflosse goot e dünne bruune Straiffe. Sini Flosse sind grau und e bitzeli dorsichtig. Er het groossi rooti Auge.

Verbraitig

De Triotto isch im Iizugspiet vom Po endemisch, im nördliche Italie, im Tessin, z Slowenie und au imenen chliine Piet z Kroatie um Zadar ume. Er mag langsami Flüüssgwässer mit vill Wasserpflanze und chunnt au i Seeje, Kanääl und sumpfige Gwässer vor.

Lebeswiis

De Triotto isch e Schwarmfisch, wo sich vo de langsame Ströömig loot lo triibe. Er fresst Alge, Insektelaarfe und Waichtier. D Laichziit goot vom Mai bis in Juli. Debi bildet ai Wiibli und e paar Mandli e chliini Gruppe. De Laich bliibt a Wasserpflanze chlebe. De Triotto cha 7 Joor alt were.

Büecher

• Maurice Kottelat: European Freshwater Fishes; Cornol 2007. ISBN 978-2-8399-0298-4

Weblink

• Triotto uf Fishbase.org (englisch)